اپتالىق اياسىندا وتكىزىلگەن ءىس-شارالار وبلىس ورتالىعىندا سالت-ءداستۇرىمىز بەن ادەپ-عۇرىپتارىمىزدى, ۇلتتىق سپورت تۇرلەرىن, ۇلتتىق قۇندىلىقتاردى دارىپتەپ, مەرەكەلىك ءان-شاشۋعا تولى بولدى.
مىسالى, اپتانىڭ ءبىر كۇنى مۇرات موڭكە ۇلى كوشەسىندەگى ساياباقتا تۇرعىندار اراسىندا اسىق اتۋ, ارقان تارتىس سىندى ۇلتتىق ويىنداردان جارىس ءوتتى. وسى جەردە مەرەكەلىك ءان شاشۋ دا ۇيىمداستىرىلدى. سپورتتىق سايىستا جەڭىمپاز بولعان بەلسەندى جاستارعا ەستەلىك سىيلىقتار مەن ديپلومدار تابىس ەتىلدى.
ال دينا نۇرپەيىسوۆا كوشەسىندە جاستار گىر تاسىن كوتەرۋ مەن قول كۇرەسىنەن سىنعا ءتۇسىپ, Gracia شىعارماشىلىق شەبەرحاناسى ۇلتتىق بۇيىمداردان كورمە ۇيىمداستىردى.
20 ءساۋىر كۇنى رۋحاني جاڭعىرۋ مۋزەيىندە تاقيا تىگۋ مەن قۇراق قۇراۋدان شەبەرلىك ساعاتى وتكىزىلدى. ورالدىڭ شەبەر قىزداردى كوزدى اربايتىن كوركەم ونەردىڭ قۇپيالارىمەن ءبولىستى.
ەڭ قىزىقتى شارانىڭ ءبىرى 21 ءساۋىر, جۇما كۇنى ءوتتى. ورال قالاسىنداعى ەڭ ۇزاق باعىت – سارىتاۋ-ەت كومبيناتى ارالىعىندا جولاۋشى تاسيتىن №2 اۆتوبۋسى «جۇماداعى جاقسىلىق اكتسياسى» اياسىندا جولاۋشىلاردى تەگىن تاسىدى ءارى رامازان ايىنىڭ قۇرمەتىنە «جاراپازان» ءانى شىرقالدى.
وسىناۋ ماعىنالى دا ءماندى ءىس-شارالاردى ۇيىمداستىرۋعا «اقجايىق جاستارى», «ورال جاستارى», «شابىت» مەكتەپتەن تىس ورتالىعى, «بقو قازاق كۇرەسى» قاۋىمداستىعى, Fawaid.KZ دۇكەنى ۇجىمى, ت.ب. اتسالىستى. بۇل كۇندەرى ورال قالاسىنىڭ حالىق كوپ شوعىرلانعان جەرلەرىندە قالا تۇرعىندارىنا ۇلتتىق سالت-ءداستۇر جايىندا ءتۇرلى سۇراق قويىلىپ, ءتۇسىندىرۋ جۇمىستارى دا جۇرگىزىلدى.
