«2021 جىلى ىرىمشىك پەن سۇزبە يمپورتىنىڭ ۇلەسى 32,8 مىڭ توننانى, جەرگىلىكتى ءوندىرىس 36,9 مىڭ توننانى قۇرادى. 2025 جىلدىڭ سوڭىنا دەيىن ءسۇت وڭدەيتىن 20 ينۆەستيتسيالىق جوبانى ىسكە اسىرۋ جوسپارلانعان. ونىڭ ىشىندە جالپى قۋاتى 161,2 مىڭ توننا ءسۇت وڭدەيتىن ىرىمشىك جانە سۇزبە وندىرەتىن 5 ءىرى كاسىپورىن بار», دەدى مينيستر.
ونىڭ ايتۋىنشا, دامۋ كارتاسى اياسىندا سولتۇستىك قازاقستان وبلىسىندا ءسۇت شارۋاشىلىعى بەلسەندى دامىپ كەلەدى. جىل سايىن رەسپۋبليكاعا قاجەتتى ءسۇت ونىمدەرىنىڭ 10 پايىزدان استامى وندىرىلەدى.
«وبلىستا 2018 جىلدان باستاپ 2021 جىلعا دەيىن 22 ءسۇت-تاۋار فەرماسى سالىندى. جوبالاردى ىسكە اسىرۋعا 23 ملرد تەڭگە ينۆەستيتسيا سالىندى, 650-دەن استام جاڭا جۇمىس ورنى قۇرىلدى. جوعارىدا باياندالعاندى ەسكەرە وتىرىپ, وڭىرلەردىڭ اكىمدەرىنە سولتۇستىك قازاقستان وبلىسىنىڭ ۇلگىسىندە ءسۇت سالاسىن دامىتۋ تاجىريبەسىن قاراستىرۋعا جانە ءوز وڭىرلەرىندە قولدانۋعا بولادى دەپ سانايمىن», دەدى ەربول قاراشوكەەۆ.
