«جىل سايىن قانتتى تۇتىنۋ شامامەن 532 مىڭ توننانى قۇرايدى. ونىڭ ىشىندە وتاندىق شيكىزات ەسەبىنەن 7 پايىزى عانا قامتامىز ەتىلگەن. بۇنداي كەم كورسەتكىش ءوندىرىستىڭ - ۇساق بولۋىنا, سۋارۋعا ارنالعان سۋدىڭ جەتىسپەۋىنە جانە قانت قىزىلشاسىن ءوسىرۋ كەزىندەگى قول ەڭبەگىنە, قانت زاۋىتتارىنىڭ توزۋىنا, رەسەيلىك وندىرۋشىلەر تاراپىنان باعانىڭ دەمپينگىنە بايلانىستى بولىپ وتىر», دەدى اۋىل شارۋاشىلىعى ءمينيسترى ەربول قاراشوكەەۆ.
ونىڭ ايتۋىنشا, سۋمەن قامتاماسىز ەتۋ پروبلەماسى شەشىلىپ, ەگىس القاپتارىن 14,5 مىڭ گەكتاردان 38 مىڭ گەكتارعا دەيىن كەڭەيتىلەدى. تەحنيكالىق جاراقتاندىرۋ جۇمىستارى ىسكە اسىرىلىپ, سالانى ينفراقۇرىلىمدىق دامىتۋ قولعا الىنادى. سونىمەن قاتار قانت زاۋىتىن جاڭعىرتۋ جانە سالۋ جوبالارىن ىسكە قوسۋ ەسەبىنەن جالپى ءونىم جيناۋدى 332 مىڭ توننادان 1,8 ملن تونناعا دەيىن ۇلعايتۋ كوزدەلەدى.
«دەمەك, قانت ءوندىرىسىن 7 ەسە 254 مىڭ تونناعا دەيىن ۇلعايتۋ, قانت يمپورتىن 32 پايىزعا تومەندەتۋ كۇتىلۋدە. بۇل ىشكى نارىقتىڭ وتاندىق وندىرىستەگى قانتپەن قامتاماسىز ەتىلۋىن 7-دەن 43 پايىزعا دەيىن ارتتىرۋعا مۇمكىندىك بەرەدى. بۇدان باسقا, جوعارىدا كورسەتىلگەن ناتيجەلەردى الۋ ءۇشىن 5-6 جىل ىشىندە سۋبسيديالار مەن جەڭىلدەتىلگەن كرەديتتەر بەرۋ ارقىلى مەملەكەتتىك قولداۋ قاجەت», دەدى ەربول قاراشوكەەۆ.
ايانا توعانبەك
