وتىرىستا بەرىك بەكجانوۆ ەلىمىزدە مەملەكەتتiك تiركەۋ ءنومiرi جوق نەمەسە كولىك قۇرالىنا جالعان, قولدان جاسالعان نومiرلەردى پايدالانۋ ارقىلى كولىك جۇرگىزۋ فاكتىلەرى كەڭ ەتەك العانىنا نازار اۋداردى.
«مەملەكەت باسشىسى قاسىم-جومارت توقاەۆ كولىك ءنومىرىن قولدان جاساۋ نەمەسە جالعان ءنومىر پايدالانۋ بويىنشا جاۋاپكەرشىلىكتى كۇشەيتۋدى تاپسىردى. ءبىز, ەڭ الدىمەن, حالىقتىڭ تالاپ-تىلەگىن ورىنداپ, وسىنداي بۇزاقىلىقپەن كۇرەسۋىمىز كەرەك. بۇگىنگى تاڭدا مۇنداي زاڭ بۇزۋشىلىقتارعا اكىمشىلىك قۇقىق بۇزۋشىلىقتار تۋرالى جانە قىلمىستىق كودەكستەردە بىرقاتار جازا قاراستىرىلعان. الايدا جاۋاپكەرشىلىكتىڭ جۇمساقتىعى حالىق اراسىندا الاڭداتۋشىلىق تۋعىزىپ وتىر. وسىعان وراي قازىرگى تاڭدا ماجىلىستە وسى زاڭ جوبالارىنداعى نورمالار قايتا قارالىپ, جاۋاپكەرشىلىك كۇشەيتىلۋدە. ويتكەنى زاڭسىز نومىرمەن نەمەسە مۇلدەم ءنومىرسىز كولىك جۇرگىزۋ اۋىر قىلمىس جاساۋعا اپارۋى مۇمكىن», دەدى ءماجىلىس دەپۋتاتى.
مەملەكەت باسشىسى قاسىم-جومارت توقاەۆ جولداۋدا زاڭ ۇستەمدىگىن ورناتۋعا باسا نازار اۋداردى. وسى ورايدا دەپۋتاتتار قۇقىق قورعاۋ ورگاندارىنىڭ قىزمەتىن جەتىلدىرۋگە جانە جول-كولىك وقيعالارىن الدىن الۋ ءۇشىن زاڭدى قاتاڭداتۋعا ەرەكشە ءمان بەرۋدە.
اتاپ ايتساق, اكىمشىلىك قۇقىق بۇزۋشىلىقتار تۋرالى كودەكستە زاڭسىز مەملەكەتتiك تiركەۋ ءنومiرiن قولدانعاندارعا بەس ايلىق ەسەپتiك كورسەتكiشتەن (15 315 تگ) ءتورت ءجۇز (1 225 200 تگ) ايلىق ەسەپتiك كورسەتكiش مولشەرiندە ايىپپۇل سالىنادى.
قىلمىستىق كودەكستە كولىك ءنومىرىن قولدان جاساۋ نەمەسە جالعان ءنومىر پايدالانۋعا ەكى مىڭ ايلىق ەسەپتىك كورسەتكىشكە (6 126 000 تگ) دەيىنگى مولشەردە ايىپپۇل سالۋ نەمەسە ەكى جىلعا دەيىن باس بوستاندىعىن شەكتەۋ قاراستىرىلعان.
ايتا كەتۋ كەرەك, باس پروكۋراتۋرانىڭ مالىمەتىنە سايكەس, اتالعان فاكتىلەر بويىنشا 2022 جىلدىڭ ءبىرىنشى توقسانىندا 73 124 قۇقىق بۇزۋشىلىق تىركەلسە, 72 628 فاكتى بويىنشا اكىمشىلىك ايىپپۇل سالىنىپ, 16 كولىك يەسى جۇرگىزۋشى كۋالىگىنەن ايىرىلعان.
