پاتسيەنتتىڭ ايتۋىنشا, بيىل ناۋرىز ايىندا وڭ جاق قولى مەن وڭ جاق اياعى السىزدەنىپ, ۇيىپ قالىپ, مازالاي باستايدى. ول تۇرعىلىقتى جەرى بويىنشا نەۆرولوگتەن ەم قابىلدايدى, بىراق دەنساۋلىعى جاقسارمايدى. كوپ ۇزاماي پاتسيەنت مويىن ومىرتقاسىنىڭ مرت دياگنوستيكاسىنا جىبەرىلەدى. مرت تۇسىرىمدەرىنىڭ ناتيجەلەرى بويىنشا پاتسيەنتكە س1-س4 ومىرتقالارى (كاۆەرنوما) دەڭگەيىندە ينترامەدۋليارلى تامىرلى ىسىگى انىقتالادى. ىسىك باسسۇيەگى نەگىزىندە ميعا وتەتىن ج ۇلىننىڭ ىشىندە ورنالاسقان. ىسىكتىڭ ورنالاسۋى وتە قيىن جەردە بولعاندىقتان, نەيروحيرۋرگتەردىڭ اسقان شەبەرلىگى, زاماناۋي جابدىقتار مەن تەحنيكا قاجەت ەدى. ايتا كەتەيىك, مۇنداي كۇردەلى وپەراتسيانى نەيروحيرۋرگيا ورتالىعىندا عانا جاساۋعا بولادى.
پاتسيەنتتىڭ ايتۋىنشا, نەيروحيرۋرگيا ورتالىعىنا كەلگەنگە دەيىن ول كورەيا مەن گەرمانيانىڭ شەتەلدىك كلينيكالارىنا ەمدەلۋ تۋرالى بىرنەشە سۇرانىس جىبەرگەن.
«تانىستارىمنىڭ كوپشىلىگى شەتەلدە ەمدەلۋگە كەڭەس بەردى. كورەيادا نەيروحيرۋرگيا ورتالىعىندا جاسالعان ءدال وسىنداي وتا ءۇشىن 29 مىڭ ەۋرو سۇرادى. سونىمەن قاتار كورەيا دارىگەرلەرى وتا ءساتتى جاسالاتىنىنا نەمەسە وپەراتسيادان كەيىن مۇگەدەك بولمايتىنىما كەپىلدىك بەرمەدى. گەرمانياعا سۇراۋ سالعاننان كەيىن گەرمانيا دارىگەرلەرىمەن سويلەستىم. ولار مەنەن نەلىكتەن قازاقستانداعى ۇلتتىق نەيروحيرۋرگيا ورتالىعىنا جۇگىنبەگەنىمدى سۇرادى. نۇر-سۇلتانداعى نەيروحيرۋرگيا ورتالىعى تۋرالى نەمىس دارىگەرلەرى شەتەلدىكتەردەن ەش كەم ەمەس, ەمدەۋدە زاماناۋي ادىستەر مەن تەحنولوگيالاردى قولداناتىن, بارلىق قاجەتتى جابدىق پەن قۇرال-سايمانعا, بىلىكتى ماماندارعا يە جانە ءساتتى وپەراتسيالار جۇرگىزەتىن زاماناۋي كلينيكا دەگەن پىكىر ءبىلدىردى», دەيدى پاتسيەنت.
بۇعان دەيىن ەلىمىزدە مۇنداي كلينيكانىڭ بار ەكەنىن بىلمەگەن ول, قاجەتتى اقپاراتتار مەن قۇجاتتاردى جيناپ, «ۇلتتىق نەيروحيرۋرگيا ورتالىعى» اق-عا مەديتسينالىق كومەككە جۇگىنەدى. مۇندا بولىمشە مەڭگەرۋشىسى, مەديتسينا عىلىمدارىنىڭ دوكتورى, پروفەسسور تالعات كەرىمباەۆتان كەڭەس الادى.
ج ۇلىن نەيروحيرۋرگياسى, شەتكى جۇيكە جۇيەسىنىڭ پاتولوگياسى بولىمشەسىنىڭ دارىگەرلەرى ج ۇلىن مەن مي باعانىنىڭ قىسىلۋىمەن كرانيوۆەرتەبرالدى ءوتۋ ىسىگىن الىپ تاستاۋ بويىنشا وپەراتسيانى 4 ساعاتتا جاسادى. وپەراتسيا الدىندا تراكتوگرافيامەن 3-تەسلا مرت زەرتتەۋى جۇرگىزىلدى. ونىڭ كومەگىمەن دارىگەرلەر ىسىكتىڭ ورنالاسقان جەرىن انىق كورۋگە مۇمكىندىك الدى. بۇل حيرۋرگيالىق ەمدەۋ تاكتيكاسىن تاڭداۋ دا نەيروحيرۋرگتەردىڭ جۇمىسىن جەڭىلدەتتى. سونداي-اق وپەراتسيا كەزىندە ج ۇلىن قۇرىلىمدارىنداعى حيرۋرگيالىق مانيپۋلياتسيالاردى باقىلاۋعا مۇمكىندىك بەرەتىن ينتراوپەراتسيالىق نەيرومونيتورينگ قولدانىلدى. بۇل نەۆرولوگيالىق اسقىنۋلاردىڭ الدىن الۋعا مۇمكىندىك بەرەدى.
وپەراتسيانى ج ۇلىن نەيروحيرۋرگياسى, شەتكى جۇيكە جۇيەسىنىڭ پاتولوگياسى بولىمشەسىنىڭ مەڭگەرۋشىسى, 30 جىلعا جۋىق پراكتيكالىق جۇمىس ءوتىلى بار تالعات كەرىمباەۆ پەن نەيروحيرۋرگ-دارىگەر جاندوس تۇيعىنوۆ جاسادى.
تالعات تىنىشباي ۇلىنىڭ ايتۋىنشا, وپەراتسيا كەزىندە اناتوميالىق ويىقتاردىڭ بويىمەن ىسىككە دەيىن جەتۋ جانە ج ۇلىننىڭ وتكىزگىش جولدارى مەن ورتالىقتارىنا زاقىم كەلتىرمەي, ونى الىپ تاستاۋ ءبىرىنشى كەزەكتەگى مىندەت بولعان.
«كرانيوۆەرتەبرالدى ءوتۋ ايماعى ىسىكتەردە وتە قاۋىپتى لوكاليزاتسيا بولىپ سانالادى. وندا مي جۇيەسى وتەدى, ومىرتقا ارتەرياسى, تىنىس الۋ تامىرلارى, قيمىل-قوزعالىس ورتالىقتارى بار. وسى ومىرلىك ماڭىزدى ورتالىقتار زاقىمدانعان جاعدايدا پاتسيەنت سال بولىپ قالۋى, ءتىپتى سوڭى ولىمگە اكەلۋى مۇمكىن. بۇل جاعدايدا تەحنيكالىق تۇرعىدان قول جەتكىزۋ قيىن, بىراق پاتسيەنت ءۇشىن قاۋىپسىز, دەنەنىڭ ومىرلىك ماڭىزدى قۇرىلىمدارىنىڭ قىزمەتىن ساقتاي وتىرىپ, ىسىكتى تولىعىمەن الىپ تاستاۋعا مۇمكىندىك بەرەتىن جول تاڭدالدى. وسىنداي كۇردەلى وپەراتسيالارمەن ءجيى كەزدەسەمىز», دەدى ت.كەرىمباەۆ.
وپەراتسيا ءساتتى ءوتتى, ىسىك تولىعىمەن الىنىپ تاستالدى. 2 تاۋلىكتەن سوڭ ناۋقاس اياققا تۇردى. وسىنداي جوعارى تەحنولوگيالىق نەگىزدە جاسالعان كۇردەلى وپەراتسيا پاتسيەنتكە ءمامس اياسىندا كۆوتا بويىنشا جۇرگىزىلدى. ەمدەلۋگە جاتقىزۋ كەزىندە پاتسيەنتتە وڭ جاقتىڭ گەميپارەزى, السىزدىك, دەنەنىڭ وڭ جارتىسىندا ۇيۋ بايقالدى. پاتسيەنتكە كۇندەلىكتى ومىردەگى ءوز قاجەتتىلىكتەرىن جاساۋ قيىندىق تۋدىردى, زاتتاردى وڭ قولىمەن كوتەرە المادى, قولدىڭ ۇساق موتوريكاسى بۇزىلدى, بۇلشىق ەت كۇشى تومەندەدى. قازىر پاتسيەنت ءوزىن جاقسى سەزىنەدى, دەنەنىڭ وڭ بولىگىنىڭ ۇيۋى جويىلدى, بۇلشىق ەت كۇشى جانە قولدىڭ ۇساق موتوريكاسى ديناميكادا قالىپتى جاعدايعا دەيىن جاقساردى. قايتا جاسالعان مرت-دا ىسىك تولىعىمەن الىنىپ تاستالعانى كورىندى. پاتسيەنت وپەراتسيادان كەيىنگى 7 تاۋلىكتە ۇيگە شىعۋعا دايىندالۋدا.
«ماعان كۇردەلى وپەراتسيا جاسالدى, ىسىك قول جەتپەيتىن قيىن جەردە ورنالاسقان. بۇگىن وپەراتسيادان كەيىن ءبىر اپتا ۋاقىت ءوتتى. ءوزىم جۇرەمىن, قوزعالامىن, ءوزىمدى جاقسى سەزىنەمىن, كۇن سايىن جاقسارىپ, تەز قالپىما كەلۋدەمىن. مەنىڭ دەنساۋلىعىمدى قالپىنا كەلتىرۋگە اتسالىسقان بارلىق مەديتسينالىق قىزمەتكەرگە وتە ريزامىن. مۇنداعى ماماندار – ەڭ ۇزدىك دارىگەرلەر. قازاقستاندا وسىنداي زاماناۋي ورتالىقتار – نەيروحيرۋرگيا, كارديوحيرۋرگيا, ونكولوگيا ورتالىقتارى بار ەكەنى قۋانتادى. شەتەلگە بارىپ, قوماقتى قارجى جۇمساۋدىڭ قاجەتى جوق, ءمامس بويىنشا مۇنىڭ ءبارى ءبىزدىڭ ەلدە قولجەتىمدى», دەپ ريزالىعىن ءبىلدىردى ۆلاديمير.
