«2022 جىلدىڭ 21 ءساۋىرى ساعات 15:00-دەگى جاعداي بويىنشا, اۋىر ىشەك ينفەكتسياسىنىڭ بەلگىلەرىمەن رۋدنىي تاۋ-تەحنولوگيالىق كوللەدجىنىڭ 35 ستۋدەنتى مەديتسينالىق كومەككە جۇگىندى. ونىڭ 14-ىنە ء«جىتى گاستروەنتەريت» دياگنوزى قويىلىپ, اۋرۋحاناعا جاتقىزىلدى, قالعاندارىنا امبۋلاتوريالىق ەم تاعايىندالدى», دەدى ۆەدومستۆودان.
رۋدنىي پوليتسيا باسقارماسى قوزعاعان قىلمىستىق ءىس اياسىندا قوستاناي وبلىستىق سانيتارلىق-ەپيدەميالىق باقىلاۋ دەپارتامەنتى وڭىرلىك باسقارمامەن بىرلەسىپ «S_SALTA» جشس جالعا العان كوللەدج اسحاناسىنا جوسپاردان تىس تەكسەرۋ جۇرگىزۋدى باستادى. ۆەدومستۆو وكىلدەرى ستۋدەنتتەردەن ساۋال الۋ بارىسىندا ولاردا جۇرەك اينۋ, قۇسۋ, سۇيىق دارەت تۇرىندەگى ىشەك ينفەكتسياسى بەلگىلەرى بولعانىن اتاپ ءوتتى. زارداپ شەككەندەردىڭ ءبارى كوللەدج اسحاناسىندا تاماقتانعاننان كەيىن اۋىرىپ قالعان. ناۋقاستاردىڭ جاعدايى تۇراقتى, ورتاشا اۋىر دەڭگەيدە.
«سانيتارلىق-ەپيدەميالىق باقىلاۋ دەپارتامەنتى مەن اۋماقتىق باسقارما ماماندارى زەرتحانالىق تەكسەرۋ ءۇشىن ازىق-ت ۇلىك, سۋ سىنامالارىن العان. ماماندار ەپيدەمياعا قارسى شارالاردى جۇرگىزىپ جاتىر», دەپ قورىتىندىلادى ۆەدومستۆودان.
ەسكە سالا كەتەيىك, رۋدنىي تاۋ-كەن تەحنولوگيالىق كوللەدجىنىڭ 70-تەن استام ستۋدەنتى استان ۋلاندى.
