ەكولوگيالىق شارادا وبلىس باسشىلىعى دا توبە كورسەتتى. ءوڭىر باسشىسى ابىلقايىر سقاقوۆ قالا جاستارىمەن بىرگە وزەن جاعالاۋىن تازالاۋعا قاتىستى. Jasyl Cross ەكولوگيالىق مارافونى 2018 جىلدان بەرى تۇراقتى تۇردە وتكىزىلىپ ءجۇر. مۇندا پلوگگينگە ءمان بەرىلەدى. ياعني قاتىسۋشىلار جۇگىرىپ ءجۇرىپ, بەلگىلى ءبىر اۋماقتا قوقىس جينايدى. ەڭ كوپ قوقىس جيناعان ادام جەڭىمپاز دەپ تانىلادى.
– تازالىق پەن ءتارتىپ – كەز كەلگەن قالانىڭ تابىستى دامۋىنىڭ كەپىلى. بۇل جاعىنان پاۆلودار باسقالارعا ۇلگى بولۋعا ءتيىس. ەكومارافون ءبىر رەتتىك اكتسيا ەمەس, ونى ءجيى وتكىزۋ كەرەك. بۇل دەنساۋلىققا دا, تابيعاتقا دا پايدالى, – دەدى وبلىس اكىمى.
ءا.سقاقوۆ تكاچەۆ كوشەسىندە ورنالاسقان №3, 5, 5/1 مەكەنجايلارىندا ورنالاسقان كوپقاباتتى باسپانالاردىڭ تۇرعىندارىمەن كەزدەسىپ, سەنبىلىككە جاردەمدەستى. «ۆەرا پۆ» جشس باسشىسى ەۆگەنيا شكۆيرانىڭ ايتۋىنشا, اۋلانى تازالاۋ – وسى ۇيلەردىڭ تۇرعىندارى ءۇشىن بۇرىننان قالىپتاسقان ءداستۇر. بالالار دا تازالىق ساقتاۋعا داعدىلانعان.
بەلگىلى بولعانداي, ءۇش ءۇيدىڭ تۇرعىندارى م ۇلىك يەلەرىنىڭ بىرلەستىگى نەمەسە قاراپايىم سەرىكتەستىك تۇرىندەگى ءۇيدى باسقارۋدىڭ جاڭا فورمالارىنا كوشۋگە دايىندالىپ جاتىر. ەۆگەنيا شكۆيرانىڭ ايتۋىنشا, تۇرعىندار وزدەرىنىڭ پاتەرلەرى ءۇشىن عانا ەمەس, جالپى ءۇي ءۇشىن دە جاۋاپتى ەكەنىن تۇسىنەدى. ىسكە ءسات!
