ەكىنشى ءبىر ماسەلە: ءبىزدىڭ زاڭنامادا «ديسكريميناتسيا» ۇعىمى ءالى جوق. كونستيتۋتسيادا دا بۇل وتە شەكتەۋلى ەرەكشەلىگى بار انىقتاما بولىپ تۇر. نەگىزگى زاڭدا: «تەگىنە, الەۋمەتتىك, لاۋازىمدىق جانە مۇلىكتىك جاعدايىنا, جىنىسىنا, ناسىلىنە, ۇلتىنا, تىلىنە, دىنگە كوزقاراسىنا, نانىمىنا, تۇرعىلىقتى جەرىنە نەمەسە كەز كەلگەن باسقا جاعدايلارعا بايلانىستى ەشكىمدى كەمسىتۋگە بولمايدى» دەپ ناقتى جازىلعان. ال بىزدە جالاقى, ولاردى جەرگىلىكتى جەرلەرگە ۇسىنۋ جاعىنان دا, ۇنەمى فيزيكالىق, جىنىستىق, پسيحولوگيالىق زورلىق-زومبىلىققا ۇشىرايتىندىعى تۇرعىسىنان دا ايەلدەرگە تەڭ دارەجەدە قاراۋ ءۇردىسى, وكىنىشكە قاراي, ءالى قالىپتاسقان جوق.
قوعام دامۋىنىڭ قازىرگى زامانعى ۇردىستەرىنە سۇيەنە وتىرىپ, پرەزيدەنت جىنىستىق بەلگىسى بويىنشا كەمسىتۋشىلىكتى جويۋ جونىندەگى شارالاردى ازىرلەۋگە باسا نازار اۋدارعانى قۋانتادى.
وسىعان قاراي ادامداردىڭ ءوز پىكىرىن اشىق ايتۋىنا مۇمكىندىك بەرىلگەنى ءجون بولار ەدى دەپ سانايمىن. ويتكەنى ءبىز جاي عانا ءوزىمىز ايتا بەرمەي, شىنىمەن دە ەلگە ءتيىستى جاعداي جاسايتىن «حالىق ۇنىنە قۇلاق اساتىن مەملەكەت» بولۋىمىز كەرەك. مىسال رەتىندە الماتى قالاسى جەتىسۋ اۋدانىنىڭ اكىمى گۇلنار كوكەباەۆامەن بولعان كەزدەسۋ تۋرالى ايتقىم كەلەدى. ماعان كوپشىلىكتىڭ الدىندا ميكروفون الىپ, پىكىرىن بىلدىرگىسى كەلەتىندەردىڭ ءبارى بيلىك وكىلىنە قانداي ماسەلەمەن جۇگىنگەنى ماڭىزدى ەمەس ەكەندىگى ۇنادى. اكىم ولاردىڭ ماسەلەلەرىن شىن مانىندە دە ەستىدى دەپ ويلايمىن. قالاي بولعاندا دا, ولار ء«سىز ۋادە بەردىڭىز, بىراق ورىندامادىڭىز» دەپ ايتقان كەزدە, اۋدان باسشىسى بۇل ماسەلەگە تاعى دا نازار اۋدارۋعا ۋادە بەردى.
ەگەر مۇنداي كەزدەسۋلەر تۇراقتى تۇردە وتەتىن بولسا, وندا مەملەكەت تە شىن مانىندە «ەستيتىن» بولادى. سونداي-اق باسشىلار كوكەيكەستى ماسەلەلەردى بىردەن شەشۋگە داعدىلانا تۇسەدى. سول ارقىلى ءبىز دامۋدىڭ جاڭا دەڭگەيىنە كوتەرىلە الامىز. ارينە, جۋرناليستەر دە ءوز ويلارىن اشىق ايتسا دەيمىز. ويتكەنى بۇقارالىق اقپارات قۇرالدارىنىڭ وكىلدەرى بەلگىلى ءبىر دەرەك بويىنشا باعا بەرە الادى.
ميگرانتتاردىڭ, ازاماتتىعى جوق ادامداردىڭ جانە بوسقىنداردىڭ قۇقىقتارى تۋرالى تارماققا كەلەتىن بولساق, بۇل وزگەرىستەر ەڭ الدىمەن, ۋكرايناداعى وقيعالارعا بايلانىستى قولعا الىنىپ وتىر. ەل بولعان سوڭ بىزگە دە قاتىسى بار. ەلىمىزدە قۇجاتسىز ءومىر ءسۇرىپ جاتقان ادامداردىڭ سانى ءالى دە كوپ. جارلىقتا وسى ماسەلەگە ايرىقشا دەن قويعان.
جالپى, جارلىققا زەر سالا وتىرىپ, وڭ وزگەرىستەر كوپ ەكەنىن, مەملەكەت باسشىسىنىڭ جاڭا قادامدارعا تاۋەكەل ەتۋگە دايىن ەكەنىن بايقادىم.
ءزۇلفيا بايساقوۆا,
پرەزيدەنت جانىنداعى ادام قۇقىقتارى جونىندەگى كوميسسيا مۇشەسى
