قازاقستاندىق عالىم ۆ.ب.وگاي جۋرناليستەرگە جارالار مەن كۇيىكتەردى ەمدەۋگە ارنالعان عىلىمي ازىرلەمە - X-Graft بيولوگيالىق جابىندى تانىستىردى.
«تاڭۋ ماتەريالى تەرەڭ جانە ۇزاق ەمدەلمەيتىن جارالاردى ەمدەۋگە ارنالعان, ول سونداي-اق تروفيكالىق جارالاردى ۋاقىتشا تاڭۋ ءۇشىن دە قولدانىلادى. ەمدىك قاسيەتتەرى بويىنشا بۇل بيولوگيالىق جابىن شەتەلدىك انالوگتاردان كەم ەمەس, سەبەبى ول كوللاگەن مەن ەلاستيننىڭ تابيعي تالشىقتارىنان جاسالعان. سونداي-اق جابىندى ستوماتولوگيادا قىزىل يەكتىڭ كولەمىن ۇلعايتۋعا جانە ءتىس يمپلانتىنىڭ اينالاسىنداعى جۇمساق تىندەردىڭ كولەمىن ارتتىرۋ ءۇشىن قولدانۋعا بولادى», دەدى ۆ.ب.وگاي.
ددۇ مالىمەتتەرى بويىنشا جىلىنا 180 000 ادامنىڭ ولىمىنە ءتۇرلى كۇيىكتەر سەبەپ بولادى. قازىرگى ۋاقىتتا الەمدە اlloderm, حe-Derma, Integra جانە Dermagraft سياقتى اللوگەندىك جانە كسەنوگەندىك بيولوگيالىق جارالاردى تاڭۋ ارقىلى كۇيىكتەردى ەمدەۋدىڭ زاماناۋي ادىستەرى كەڭىنەن قولدانىلىپ كەلەدى.
بۇگىنگى تاڭدا بيولوگيالىق جابىن قاراعاندى قالاسىنداعى پروفەسسور ح.ج.ماقاجانوۆ اتىنداعى كوپ سالالى اۋرۋحانادا جانە الماتى قالاسىنىڭ №4 كلينيكالىق اۋرۋحاناسىندا كلينيكالىق زەرتتەۋلەردەن ءساتتى ءوتىپ, وڭ ناتيجەسىن كورسەتتى.
زەرتتەۋگە جاراسىنىڭ كولەمى 5-30%, II – III اب دارەجەلى كۇيىكتەرى بار 120 ناۋقاس قاتىستى. زەرتتەۋ ناتيجەلەرى بويىنشا قاراپايىم داكە تاڭعىشتارىمەن سالىستىرعاندا بيولوگيالىق جابىن ساۋىعۋ پروتسەسىن ەداۋىر جىلدامداتتى. ول جارانىڭ بەتىنە زاقىم كەلتىرمەي, نەوۆاسكۋلياريزاتسيا مەن رەەپيتەليزاتسياعا بايلانىستى زاقىمدالعان تەرىنىڭ فۋنكتسيونالدى قالپىنا تەز كەلۋىنە ىقپال ەتتى.
ء«بىزدىڭ «X-Graft» بيولوگيالىق جابىندى مەديتسينالىق قۇرال رەتىندە قازاقستان مەن ەاەو ەلدەرىندە مەملەكەتتىك تىركەۋدەن ءوتىپ, كلينيكالىق تاجىريبەگە ەنگىزىلگەن سوڭ, ەلىمىزدەگى مەديتسينالىق قىزمەتتەر دەڭگەيى كوتەرىلىپ, ناۋقاستاردىڭ دا ءومىر ءسۇرۋى جەڭىلدەيدى. سونىمەن قاتار اۋقىمدى جانە تەرەڭ كۇيىكتەرى بار ناۋقاستار ءولىمىنىڭ سانى الدەقايدا تومەندەيدى دەپ ويلايمىز», دەدى ۆ.ب.وگاي.
اتالعان جوبا قر بعم, قر ءتسدياوم, ء«ونىمدى يننوۆاتسيالاردى ىنتالاندىرۋ» باعدارلاماسى مەن دۇنيەجۇزىلىك بانكتىڭ قولداۋىمەن جۇزەگە اسىرىلۋدا. قۇرال قازىرگى كەزدە كلينيكالىق سىناقتاردان ءوتىپ, قازاقستاندا تىركەلۋ ساتىسىندا.
