وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى سامات ايتقاليەۆتىڭ مالىمەتىنشە, بۇگىن, 20 ساۋىردە حالىقارالىق جولاۋشىلار پويىزى جولعا شىعادى.
«اتىراۋ قالاسىنان شىعاتىن جولاۋشىلار پويىزى جۇپ كۇندەرى جۇرەدى. ال رەسەيدەگى استراحان قالاسىنان تاق كۇندەرى قاتىنايدى. پويىز اتىراۋدان جەرگىلىكتى ۋاقىتپەن ساعات 22:45-تە قوزعالادى. ءجۇرۋ ۇزاقتىعى – 12 ساعات 17 مينۋت. بيلەت باعاسى 13 مىڭ 400 تەڭگەدەن باستالادى», دەيدى س. ايتقاليەۆ.
ونىڭ ايتۋىنشا, بۇل پويىز بۇرىن دا جۇرگەن. بىراق كوروناۆيرۋس ينفەكتسياسىنىڭ ورشۋىنە بايلانىستى توقتاپ قالعان ەدى.
سونداي-اق بىلتىردان بەرى اتىراۋ قالاسىنان قۇرمانعازى اۋدانىنداعى د. نۇرپەيىسوۆا تەمىرجول بەكەتىنە دەيىن باراتىن جولاۋشىلار پويىزى كەستەگە سايكەس قاتىنايدى.
