جول ءجۇرۋ قۇجاتتارىن (بيلەتتەرىن) راسىمدەر الدىندا جولاۋشىلاردان قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا قىزمەتىنىڭ سايتىندا ورنالاستىرىلعان كارانتيندىك شەكتەۋلەر كەزەڭىندە ەلدىڭ مەملەكەتتىك شەكاراسىن كەسىپ ءوتۋ ءتارتىبىنىڭ تالاپتارىن مۇقيات وقىپ شىعۋ جانە ساقتاۋ كەرەك.
قازاقستاندىقتار مەن شەتەل ازاماتتارىنىڭ ەلگە تەمىر جول كولىگىمەن كىرۋى ءۇشىن بۇرىنعىداي تەرىس ناتيجەسى بار COVID-19-عا پتر تەستىلەۋدەن وتكەنى تۋرالى انىقتامانىڭ بولۋى مىندەتتى. بۇل بەرىلگەن كۇننەن باستاپ 72 ساعاتتان اسپاۋى ءتيىس. نەمەسە كوروناۆيرۋس ىندەتىنە قارسى ەكپە العانى جانە رەۆاكتسينالاۋدىڭ تولىق كۋرسىنان وتكەنى تۋرالى پاسپورت ۇسىنۋ قاجەت (سوڭعى مولشەرىن العاننان كەيىن 6 ايدان اسپايتىن مەرزىم). ەسكە سالا كەتەيىك, بۇل قازاقستان رەسپۋبليكاسى ۆەدومستۆوارالىق كوميسسياسىنىڭ شەشىمى. ەگەر جولاۋشىدا پتر تەستىنىڭ ناتيجەلەرى نەمەسە COVID-19 ۆاكتسيناتسياسىنىڭ پاسپورتى بولماسا, وندا ول ۆاگونعا وتىرعىۋعا جىبەرىلمەيدى.
«جولاۋشىلار تاسىمالى» اق ءوز جولاۋشىلارىنا ادامدار كوپ جينالاتىن جەرلەردە بەتپەردە كيۋ ءتارتىبىن ساقتاۋعا كەڭەس بەرەدى. جولاۋشىلار پويىزدارىنىڭ قوزعالىس كەستەسى بويىنشا انىقتامالىق اقپاراتتى «1433» ءنومىرى بويىنشا جانە Bilet.railways.kz. سايتىنان الۋعا بولادى.
