قوعام • 19 ءساۋىر، 2022

مەملەكەتتىك بيۋدجەتكە 3،6 ترلن تەڭگە سالىق ءتۇستى

39 رەت كورسەتىلدى

2022 جىلعى 1-توقساندا مەملەكەتتىك بيۋدجەتكە سالىق تۇسىمدەرى بويىنشا جوسپار 106،7% ورىندالدى. بەكىتىلگەن جوسپار 3 390،5 ملرد تەڭگەنى قۇراپ، 228،6 ملرد تەڭگەگە اسىرا ورىندالعان، سالىق تۇسىمدەرى - 3 619،2 ملرد تەڭگە. بۇل تۋرالى قارجى مينيسترلىگىنىڭ مەملەكەتتىك كىرىستەر كوميتەتىندە حابارلادى، دەپ جازادى Egemen.kz.

وتكەن جىلعى ۇقساس كەزەڭىمەن سالىستىرعاندا 1،7 ەسە نەمەسە 1 520،9 ملرد تەڭگەگە ءوستى، ونىڭ ىشىندە:

- رەسپۋبليكالىق بيۋدجەت 100،2% ورىندالدى (جوسپار بويىنشا 2 572،6 ملرد تەڭگە، 4،9 ملرد تەڭگەگە اسىرا ورىنداۋمەن 2 577،5 ملرد تەڭگە ءتۇستى)، وتكەن جىلعى ۇقساس كەزەڭىمەن سالىستىرعاندا 2 ەسە نەمەسە 1 289،3 ملرد تەڭگەگە ءوستى.

- جەرگىلىكتى بيۋدجەت 127،3% ورىندالدى (جوسپار بويىنشا 817،9 تەڭگە، 223،7 ملرد تەڭگەگە اسىرا ورىنداۋمەن 1 041،6 ملرد تەڭگە ءتۇستى) 2021 جىلعى ۇقساس كەزەڭىمەن سالىستىرعاندا 28،6% نەمەسە 231،6 ملرد تەڭگەگە ءوستى.

2021 جىلعى ۇقساس كەزەڭىمەن سالىستىرعاندا رەسپۋبليكالىق بيۋدجەت تۇسىمدەردىڭ ەڭ كوپ سوماسى مۇنايعا سالىناتىن كورپورتاتيۆتى تابىس سالىعى بويىنشا 502،2 ملرد تەڭگەگە نەمەسە 2،3 ەسە، ىشكى تۇتىنۋ تاۋارلارىنا قوسىلعان قۇن سالىعى 408،7 ملرد تەڭگەگە نەمەسە 5،9 ەسە جانە ەكسپورتتىق كەدەن باجدارى بويىنشا 212،2 ملرد تەڭگەگە نەمەسە 2،2 ەسە وسكەنى بايقالادى.

تۇسىمدەردىڭ وسۋىنە مىناداي فاكتورلار اسەر ەتتى.

2022 جىلعى 1-توقساندا وتكەن جىلعى ۇقساس كەزەڭمەن سالىستىرعاندا نەگىزگى ەكسپورتتىق پوزيتسيالارعا، ونىڭ ىشىندە مۇنايعا 65،5%، اليۋمينيگە 56،2%، مىرىشقا 36،2%، مىسقا 17،8%، قورعاسىنعا 15،5% جانە التىنعا 4،2% باعانىڭ ءوسۋى بايقالادى. شيكى مۇنايعا سالىناتىن كەدەندىك اكەتۋ باجىنىڭ مولشەرلەمەسى 60،0%-عا ءوستى (1 توننا ءۇشىن ورتاشا مولشەرلەمەسى 2021 جىلعى 1-توقساندا 1 توننا ءۇشىن – 50،0$، 2022 جىلعى 1-توقساندا 1 توننا ءۇشىن – 80،0$).

بيىلعى 1-توقساندا ءۇشىنشى ەلدەرمەن تاۋار اينالىمى 1،6 ەسەگە ۇلعايدى (ەكسپورت 1،7 ەسە، يمپورت 1،2 ەسە ءوستى).

وتكەن جىلعى ۇقساس كەزەڭىمەن سالىستىرعاندا 2022 جىلعى 1- توقساندا وتكىزۋ بويىنشا اينالىم 25،1%-عا ۇلعايدى (22 351 ملرد تەڭگەدەن 27 971 ملرد تەڭگەگە دەيىن).

جالپى، 2022 جىلعى 1-توقساندا ەلەكتروندى شوت-فاكتۋرالار دەرەكتەرى بويىنشا ءۇي قىزمەتشىسىن جالدايتىن جانە ءوزى تۇتىنۋ ءۇشىن تاۋارلار مەن قىزمەتتەر وندىرەتىن ءۇي شارۋاشىلىقتارى قىزمەتى 3،6 ەسەگە،  ونەر، ويىن-ساۋىق جانە دەمالىس 1،8 ەسەگە، وزگە دە قىزمەت تۇرلەرىن ۇسىنۋ 1،7 ەسەگە، كەن ءوندىرۋ ونەركاسىبى جانە كارەرلەردى قازۋ 1،6 ەسەگە، اقپارات جانە بايلانىس 58،1%-عا، كاسىبي، عىلىمي جانە تەحنيكالىق قىزمەت 44،7%-عا، قۇرىلىس 29،9%-عا، اۋىل، ورمان جانە بالىق شارۋاشىلىعى 29،6%-عا، ءبىلىم بەرۋ 26،9%-عا، كوتەرمە جانە بولشەك ساۋدا 24،8%-عا جانە ونەركاسىپتى وڭدەۋ 22،8%-عا ءوستى.

وتكەن جىلعى ۇقساس كەزەڭىمەن سالىستىرعاندا 2022 جىلعى قاڭتار-اقپان ايىندا ءبىر سالىق تولەۋشىگە ونلاين باقىلاۋ-كاسسا ماشينالارىنان ورتاشا ءتۇسىمى 60،3%-عا ۇلعايدى (5،7 ملن تەڭگەدەن 9،1 ملن تەڭگەگە دەيىن).

بۇل رەتتە سالالار بولىگىندە ورتاشا ءتۇسىمنىڭ ءوسۋى قارجى جانە ساقتاندىرۋ قىزمەتى 2،5 ەسەگە، كولىك جانە قويماعا قويۋ بويىنشا 2 ەسەگە، كوتەرمە جانە بولشەك ساۋدا; اۆتوموبيلدەردى جانە موتوتسيكلدەردى جوندەۋ 1،9 ەسەگە، وزگە دە قىزمەت تۇرلەرىن ۇسىنۋ 32،0%، ونەر، ويىن-ساۋىق جانە دەمالىس 30،6%، اقپارات جانە بايلانىس 25،4%، تۇرۋ جانە تاماقتانۋ بويىنشا قىزمەتتەر 23،7%-عا وسكەنى بايقالادى.

 

ايانا توعانبەك

سوڭعى جاڭالىقتار

شەكارانىڭ شەبى بەرىك

قازاقستان • كەشە

باقىت مينيسترلىگى

قوعام • كەشە

ەلەكتر جەلىلەرى توزىپ تۇر

ەكونوميكا • كەشە

ۇلت ۇستازىنىڭ ۇلاعاتى

احمەت بايتۇرسىن ۇلى • كەشە

«قىلمىسكەر» قالام

ونەر • كەشە

ۇقساس جاڭالىقتار