ايماقتار • 18 ءساۋىر، 2022

تۇركىستان وبلىسىندا 34 مىڭ جۇمىس ورنى اشىلادى

65 رەت كورسەتىلدى

تۇركىستان وبلىسى اكىمى اپپاراتىنىڭ اپتالىق وتىرىسىندا جۇمىس ورىندارىن اشۋ، جۇمىسسىزدىقپەن كۇرەس بارىسى تالقىلاندى. وبلىس اكىمى ومىرزاق شوكەەۆ اۋدان، قالا اكىمدەرى مەن جاۋاپتى باسقارمالار الدىندا جاڭا جۇمىس ورىندارىن اشۋ مىندەتى باستى نازاردا بولۋى كەرەكتىگىن ايتتى، دەپ حابارلايدى Egemen.kz تۇركىستان وبلىسى اكىمىنىڭ ءباسپاسوز قىزمەتىنە سىلتەمە جاساپ. 

«ەڭ باستى ماسەلە – جۇمىسسىزدىق. سوندىقتان وسى تۇيتكىلگە ءمان بەرۋ كەرەكتىگىن قايتالاپ ايتامىن. مەملەكەت باسشىسى جىل سايىن 10 مىڭ تۇرعىنعا 100 تۇراقتى جۇمىس ورنىن اشۋ مىندەتىن جۇكتەدى. ءار اۋداننىڭ ەكونوميكالىق جاعدايى تاعى دا زەردەلەنىپ، ينۆەستيتسيا تارتۋ، جۇمىس ورىندارىن اشۋعا باسىمدىق بەرىلگەنى ءجون»، دەدى ومىرزاق شوكەەۆ.
 
جۇمىسسىزدىقپەن قاتار بۇگىندە زاڭدى تىركەلمەي، قۇجاتسىز جۇمىس ىستەپ جۇرگەندەر دە كوپ. ولار دا ستاتيستيكاداعى جۇمىسسىزدار سانىن ارتتىرىپ جاتىر. سوندىقتان جۇمىس بەرۋشىلەر دە وسى ماسەلەگە جاۋاپكەرشىلىكپەن قاراۋى ءتيىس. وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ءاسيا تەمىرباەۆانىڭ ايتۋىنشا، 2022 جىلى وڭىرلىك كارتا اياسىندا وبلىستا 34 مىڭعا جۋىق جۇمىس ورنىن اشۋ كوزدەلگەن. ونىڭ 5 مىڭنان استامى تۇراقتى جۇمىس بولادى دەپ جوسپارلانعان. بۇگىنگى تاڭدا 9 مىڭعا جۋىق ادام جۇمىسپەن قامتىلعان. ونىڭ ىشىندە سوزاق، تولەبي جانە شاردارا اۋداندارىندا 300-دەي تۇراقتى جۇمىس ورىندارى اشىلعان. وڭىردە تۇراقتى جۇمىس ورىندارىن اشۋعا باسىمدىق بەرىلمەك.
 
كۇن تارتىبىندە تازالىق ماسەلەسىنە ايرىقشا ءمان بەرىلىپ، وسى سالاداعى كەمشىلىكتەر ايتىلدى. ءوڭىر باسشىسىمەن قولعا الىنعان تازالىق ايلىعىنىڭ ءوتۋ بارىسى، ارنايى قۇرىلعان مونيتورينگتىك توپتىڭ پىكىرى تىڭدالدى. تۇركىستان قالاسى بويىنشا تازالىق جۇمىستارىنىڭ جاي-كۇيى ءسوز بولدى.
 
قازىرگى تاڭدا تۇركىستاننىڭ بارلىق 875 كوشەسىنىڭ تازالىعىنا «تۇركىستان جارىق تازالىق» جشس جانە «شىمكەنت سپەتس كومپلەكس» جشس مەكەمەلەرى جاۋاپتى. مەحانيكالىق جولمەن 136 كوشە تازالانسا، 651 كوشە قولمەن تازالانادى. قالا اۋماعى 6 تۇرعىن ءۇي سەكتورىنا بولىنگەن، ءاربىر سەكتوردا جەكە كاسىپكەرلەر قوسالقى مەردىگەر رەتىندە تارتىلىپ، قوقىس الۋ جۇمىستارىن جۇرگىزىپ كەلەدى. قوقىستى الىپ كەتۋ بويىنشا جۇمىس كەستەسى تۇزىلگەن. دەگەنمەن تۇرعىندار تاراپىنان سانيتارلىق تالاپتى ساقتامايتىندارى دا كەزدەسۋدە.
 
بەلگىلەنگەن كۇننەن بۇرىن كوشە بويىنا شىعارىلعان قوقىس يەلەرىنە تۇسىندىرمە جۇمىستارى جۇرگىزىلىپ، ەكىنشى رەت قايتالانعان جاعدايدا ايىپپۇلدار سالىنادى. قوقىس تاستاۋ ەرەجەسىن بۇزىپ، قالا تازالىعىنا كەرى اسەرىن تيگىزگەن 80 ازاماتقا 900 مىڭ تەڭگە ايىپپۇل سالىنعان.
 
وبلىس اكىمى مونيتورينگ جۇمىستارى بارلىق اۋدان، قالادا جۇرگىزىلەتىنىن ايتا كەلە تۇرعىنداردىڭ ەكولوگيالىق ساۋاتتىلىعىن ارتتىرۋ باعىتىندا ءتۇسىندىرۋ جۇمىسىن كۇشەيتۋدى تاپسىردى. ەرەجەگە باعىنباي، ءوزى تۇراتىن اۋماقتاعى كوشەنى لاستايتىن تۇرعىندارعا ايىپپۇل سالۋ ءىسى دە جالعاسادى.
سوڭعى جاڭالىقتار

ەرلىككە تولى ەڭبەك

قازاقستان • كەشە

شيراز بۇلب ۇلى

ادەبيەت • كەشە

اتا جۇرتتا

ادەبيەت • كەشە

اباي وبلىسىنىڭ اتى وزدى

ايماقتار • كەشە

ۇقساس جاڭالىقتار