ۇيىمداستىرۋشىلاردىڭ ايتۋىنشا, جاستاردى الەۋمەتتىك باعدارلاۋ داعدىلارىن ارتتىرۋ – جوبانىڭ نەگىزگى ماقساتتارىنىڭ ءبىرى.
«جوبا قانداي ناتيجەلەرگە قول جەتكىزۋگە مۇمكىندىك بەرەدى؟ بىرىنشىدەن, ول جەرگىلىكتى قاۋىمداستىقتاردىڭ پروبلەمالارىن كورۋ جانە ولاردى شەشۋ مۇمكىندىكتەرىن قالىپتاستىرۋعا كومەكتەسەدى. جاستار اراسىندا كوشباسشىلىق, ىنتىماقتاستىق, كرەاتيۆتى جانە سىني ويلاۋ سياقتى ومىرلىك داعدىلاردى دامىتۋعا سەپتىگىن تيگىزەدى. قاتىسۋشىلار ءوز ويلارىن, يدەيالارىن قازىرگى جاعدايدا ءساتتى ىسكە اسىرۋى ءۇشىن قاجەتتى الەۋمەتتىك تاجىريبەگە يە بولادى», دەدى جوبانى تانىستىرۋ بارىسىندا جوبا جەتەكشىسى تيمۋر ىسقاقوۆ.
جوبا شەڭبەرىندە اقپاراتتىق-كونسۋلتاتسيالىق قولداۋشارالارى ۇيىمداستىرىلاتىن بولادى.
«جوبانى جۇزەگە اسىرۋعا قوعام كوشباسشىلارى مەن بلوگەرلەر, پسيحولوگتار, تابىستى كاسىپكەرلەر, كاسىبي جاتتىقتىرۋشىلار اتسالىسادى. قازاقستاندا ءبىزدىڭ جاستارىمىز ءۇشىن ۇلگى بولا الاتىن تابىستى جانە تالانتتى ادامدار جەتكىلىكتى», دەيدى تيمۋر ىسقاقوۆ.
باعدارلامادا ومىرلىك داعدىلاردى, الەۋمەتتىك يننوۆاتسيالار مەن كاسىپكەرلىكتى نىعايتۋ ءۇشىن ءارتۇرلى تاسىلدەر قاراستىرىلعان. جوبانىڭ مىندەتتەرى, ءبىرىنشى كەزەكتە, حالىقتىڭ وسال توپتارىنداعى جاستار مەن جاسوسپىرىمدەردىڭ مۇمكىندىكتەرىن كەڭەيتۋگە باعىتتالعان.
قوعام بەلسەندىلەرى جوبا قاتىسۋشىلارعا ءوز داعدىلارىن دامىتۋعا, ءوز يدەيالارىن تۇجىرىمدامالاۋدان باستاپ ىسكە اسىرۋعا دەيىن دامىتۋدا تاجىريبە جيناۋعا كومەكتەسەتىنىنە سەنىمدى.
