قازىرگى ۋاقىتتا ۆەدومستۆو اباي, جەتىسۋ جانە ۇلىتاۋ وبلىستارىن قۇرۋ بويىنشا جۇمىس جۇرگىزۋدە.
«بيىل 25 ناۋرىزدا پرەمەر-ءمينيستردىڭ ءبىرىنشى ورىنباسارى رومان سكلياردىڭ توراعالىعىمەن وسى وبلىستاردى قۇرۋ ماسەلەلەرى جونىندەگى ۇكىمەتتىك كوميسسيا قۇرىلدى. جالپى العاندا, جۇمىس پرەزيدەنتتىڭ ءتيىستى جارلىقتارىن قابىلداۋ بويىنشا بەكىتىلگەن جۇمىس الگوريتمىنە سايكەس جۇرگىزىلۋدە. الگوريتم جاۋاپتى ورىنداۋشىلاردى جانە ورىنداۋ مەرزىمدەرىن كورسەتە وتىرىپ, «قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى تۋرالى» جانە «قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى» زاڭدارعا سايكەس مىندەتتى تۇردە جۇرگىزىلۋگە ءتيىس ءىس-شارالار مەن راسىمدەردىڭ تىزبەسىن قامتيدى», دەدى مينيستر.
جالپى, الگوريتمگە سايكەس مەملەكەتتىك ورگاندار مەن وڭىرلەردىڭ نەگىزگى جۇمىسى 20 ساۋىرگە دەيىن اياقتالادى, ال پرەزيدەنتتىڭ ءتيىستى جارلىقتارىنىڭ جوبالارى مامىر ايىنىڭ باسىندا پرەزيدەنت اكىمشىلىگىنە ەنگىزىلمەك.
«جۇمىس الگوريتمىنىڭ ءىس-شارالارىن ىسكە اسىرۋ مينيسترلىكتىڭ كۇندەلىكتى باقىلاۋىندا», دەدى مينيستر.
