ء«بىز جەرگىلىكتى اتقارۋشى ورگانداردىڭ ساۋلەت, قالا قۇرىلىسى جانە قۇرىلىس قىزمەتى سالاسىنداعى قىزمەتىن باقىلاۋدا ۇستايمىز. ماسەلەن الماتىداعى تۇرعىن ءۇي كەشەنىنىڭ قۇرىلىسى زاڭسىز جۇرگىزىلگەن. رۇقسات بەرۋ قۇجاتتارىن ۋچاسكەنىڭ مەنشىك يەسى دە, قۇرىلىس سالۋشى دا ۇسىنعان جوق. بۇل تۇرعىن ءۇي كەشەنىندەگى پاتەرلەر قۇرىلىس سالۋشىنىڭ اياقتالماعان وبەكتىدە پاتەرلەردى ساتىپ الۋ-ساتۋ شارتتارىن جاساسۋعا قۇقىعى بولماعانىنا قاراماستان بەلسەندى ساتىلدى. سونداي-اق قۇرىلىس سالۋشىنىڭ ۇلەسكەرلەردەن قاراجات تارتۋعا رۇقساتى بولماعان», دەدى ق. وسكەنباەۆ.
ونىڭ ايتۋىنشا, اتالعان تۇرعىن ءۇيدىڭ قۇرىلىسى توقتاتىلىپ, «تۇرعىن ءۇي قۇرىلىسىنا ۇلەستىك قاتىسۋ تۋرالى» زاڭدى بۇزعانى ءۇشىن قۇرىلىس سالۋشىعا قاتىستى حاتتاما جاسالدى.
قايىربەك وسكەنباەۆتىڭ ايتۋىنشا, قاڭتار-ناۋرىز ايلارىندا مينيسترلىكتىڭ بەيىندى كوميتەتى 32 تەكسەرۋ جۇرگىزىپ, 26 نۇسقاما بەرگەن. تەكسەرۋ ناىتيجەلەرى بويىنشا, 18 لاۋازىمدى تۇلعا اكىمشىلىك جاۋاپكەرشىلىككە تارتىلدى.
