قۇتقارۋشىلار التاي اۋدانى ورلوۆكا اۋىلىندا سۋدىڭ جەر ۇيلەردى باسۋىنىڭ الدىن الدى.
كۇننىڭ كۇرت جىلىتىپ, قاردىڭ جىلدام قارقىنمەن ەرۋى سالدارىنان تاۋ باۋرايىندا ورنالاسقان باۋ-باقشالار مەن 3 ءۇي اۋلاسىن قارعىن سۋ باستى.
«چاپاەۆ اۋىلدىق وكرۋگى اكىمدىگىنىڭ جانە قر تجم 68303 بولىمشەسىنىڭ اسكەري قىزمەتكەرلەرىنىڭ ۋاقىتىلى اتقارعان جۇمىستارىنىڭ ارقاسىندا تۇرعىن ۇيلەر مەن باسقا دا عيماراتتاردى سۋ باسۋ قاۋپى جويىلدى. ءۇي اۋلالارىنان ەرىگەن سۋدى سورۋ, ينەرتتى ماتەريال سالىنعان قاپتاردى توسەۋ جۇمىستارى جۇرگىزىلدى. ادامداردى ەۆاكۋاتسيالاۋ قاجەت بولعان جوق», دەلىنگەن اقپاراتتا.
ايتا كەتەيىك, سۋ تاسقىنىنا قارسى شارالارعا 19 ادام مەن 4 تەحنيكا جۇمىلدىرىلعان.
