ۇيدە ءبىر-بىرىمەن اعىلشىنشا سويلەسەتىن نەمەرەلەرىنىڭ «قۇپياسىن» بىلۋگە قۇمارتقان اقساقالدىڭ تىلگە دەگەن قىزىعۋشىلىعى ويانعان. بۇگىندە اقساقال 1500 ءسوز ۇيرەنگەن. بۇل كورسەتكىشكە توقمەيىلسىمەي اعىلشىن ءتىلىن مەڭگەرۋدى جەتىلدىرە ءتۇسۋدى جوسپارلاپ وتىر. اپتاسىنا ءۇش رەت تىلدەردى وقىتۋ ورتالىعىنا بارىپ, ساباققا قاتىسادى. ء«تىل ۇيرەنۋ – بۇگىنگى كۇننىڭ باستى تالابى. ەگەر قىزىعۋشىلىق بولسا, ءبىلىم الۋ جاس تالعامايدى. اكىمدىكتە تەگىن ۇيرەتەتىن مەكەمە دە بار ەكەن. باردىم. العاشقى كۋرستى ءبىتىردىم. قازىر ۇيدە نەمەرەلەرىممەن اعىلشىنشا سويلەسەتىن كەزدەرىمىز كوپ», دەيدى 82 جاستاعى قۇرمانبەك قاريا. كەنتاۋ قالالىق تىلدەردى وقىتۋ ورتالىعىنىڭ ديرەكتورى اقمارال وتەپباەۆا اقساقالدىڭ ۇزدىك ءتىل ۇيرەنۋشى ەكەنىن ايتادى. «اتامىز ساباققا وففلاين قاتىسىپ, اعىلشىن ءتىلىن نولدەن باستاپ ۇيرەندى. قاراپايىم فرازالار مەن ەرەجەلەردى, وقۋ جانە جازۋدى مەڭگەردى. قازىر اعىلشىنشا قويىلعان سۇراقتارعا ءوز بەتىنشە جاۋاپ بەرە الادى. ول كىسى ءتىل ۇيرەنۋشىلەردىڭ ىشىندەگى ەڭ بەلسەندىسى, ءتارتىپتىسى بولا ءبىلدى. ساباقتان بىردە-ءبىر رەت قالعان ەمەس», دەيدى ورتالىق ديرەكتورى. اقساقال «ا-1 – beginner» دەڭگەيىن تولىق مەڭگەرىپ, سەرتيفيكات العان. اعىلشىن تىلىندەگى سوزدەردى قۇراپ وقي الادى.
تۇركىستان وبلىسى
