رەكتور ماركو دەل يزولمەن جانە ۋنيۆەرسيتەتتىڭ وقىتۋشىلار قۇرامىمەن كەزدەسۋ بارىسىندا قازاقستاننىڭ جەتەكشى جوعارى وقۋ ورىندارىمەن ىنتىماقتاستىق ورناتۋ ماسەلەلەرى, سونداي-اق قوس ديپلومدى ءبىلىم بەرۋدى ىسكە قوسۋ پەرسپەكتيۆالارى تالقىلاندى.
اتاپ ايتقاندا, كاسسينو ۋنيۆەرسيتەتى مەن اكادەميك ە.ا. بوكەتوۆ اتىنداعى قاراعاندى ۋنيۆەرسيتەتىنىڭ زاڭ فاكۋلتەتتەرى اراسىندا ءوزارا ءىس-قيمىلدى جولعا قويۋ تۋرالى ۋاعدالاستىققا قول جەتكىزىلدى.
رەكتور قازاقستاندىق ستۋدەنتتەردىڭ جوعارى ۇلگەرىمىن اتاپ ءوتتى. ول سونداي-اق تەحنيكالىق ماماندىقتار بويىنشا كادرلار دايارلاۋ شەڭبەرىندە باسىم باعىتتار بويىنشا قازاقستاندىق وقۋ ورىندارىمەن ىنتىماقتاستىققا دايىن ەكەندىگىن ءبىلدىردى.
ە.سەمباەۆ ءبىلىم بەرۋ سالاسى جوعارى جانە ورتا ءبىلىم بەرۋدى جاڭعىرتۋ بويىنشا باستى باسىمدىقتاردىڭ ءبىرى بولىپ تابىلاتىنىن اتاپ ءوتتى. سونىمەن قاتار ەلشى پروفەسسور وقىتۋشىلار قۇرامى ءۇشىن, ونىڭ ىشىندە يتالياندىق جانە قازاقستاندىق ستۋدەنتتەر ءۇشىن سىرتقى ساياسي باستامالار مەن جۇرگىزىلىپ جاتقان ساياسي جانە ەكونوميكالىق رەفورمالار تۋرالى تانىستىرۋ ءدارىسىن وتكىزدى.
ە.سەمباەۆ قازاقستاننىڭ تاۋەلسىزدىك جىلدارىنداعى جەتىستىكتەرى تۋرالى ايتىپ, قاتىسۋشىلاردى پرەزيدەنت قاسىم-جومارت توقاەۆتىڭ «جاڭا قازاقستان: جاڭارتۋ جانە جاڭعىرتۋ جولى» جولداۋىنىڭ نەگىزگى ەرەجەلەرىمەن تانىستىردى.
ءىس-شارا سوڭىندا قازاقستان ەلشىسى ۋنيۆەرسيتەت كىتاپحاناسىنا ەلباسى ن.نازارباەۆتىڭ «تاۋەلسىزدىك ءداۋىرى» جانە ابايدىڭ «قارا سوزدەرى» كىتاپتارىن سىيعا تارتتى.
ايانا توعانبەك
