«دوستىق» وردەنى – يۋنەسكو-نىڭ باس ديرەكتورىنا

جاقىندا يۋنەسكو-نىڭ پاريج قالاسىنداعى شتاب-پاتەرىندە وسى ۇيىمنىڭ باس ديرەكتورى يرينا بوكوۆاعا «دوستىق» وردەنىن تاپسىرۋ سالتاناتى بولدى. قازاقستان رەسپۋبليكاسىنىڭ يۋنەسكو جانە يسەسكو ىستەرى جونىندەگى ۇلتتىق كوميسسياسىنىڭ توراعاسى يمانعالي تاسماعامبەتوۆ قازاقستان رەسپۋبليكاسى پرە­زي­دەنتىنىڭ اتىنان جوعارى مەم­لەكەتتىك ناگرادانى تاپسىرا وتىرىپ, يرينا بوكوۆانىڭ ءبىلىم, عىلىم جانە مادەنيەت سالالارىندا قازاقستان مەن يۋنەسكو-نىڭ ىنتىماقتاستىعىن نىعايتۋ مەن كەڭەيتۋ جۇمىستارىنداعى ەڭبەگىن اتاپ ءوتتى. 2013 جىلعى تامىزدا استانا قالاسىندا باس ديرەكتوردىڭ قاتى­­سۋىمەن تانىستىرۋ ءراسىمى وتكى­زىلگەن قازاقستان باستاماسىمەن قولعا الىنعان ءىرى جوبا – مادەنيەتتەر جاقىنداستىعىنىڭ حالىقارالىق ونجىلدىعىن (2013 – 2022 جج.) قولداعانى ءۇشىن العىس ءبىلدىرىلدى. قازاقستان ناگراداسىن قابىل­داي وتىرىپ, يۋنەسكو-نىڭ باس ديرەكتورى ەلباسى نۇرسۇلتان نازارباەۆقا كورسەتىلگەن سەنىمى ءۇشىن العىس ءبىلدىرىپ, ءوزى ءۇشىن «بەيبىتشىلىك, دوستىق جانە ىنتى­ماقتاستىق دەگەن ءۇش ءسوزدى بەينەلەيتىن «دوستىق» وردەنىن الۋ ۇلكەن مارتەبە» ەكەنىن اتاپ ءوتتى. ونىڭ پىكىرىنشە, اتالعان ءسوز­دەر, سونىمەن قاتار, يۋنەسكو ميسسيالارىنىڭ ءمانىن بىلدىرەدى. يرينا بوكوۆا: «مەن بۇل ناگرادانى, ءبىزدىڭ ورتاق قۇن­دى­لىقتارىمىز بەن بەرىك بەيبىت­شى­لىك پەن ورنىقتى دامۋدى قالىپ­تاستىرۋداعى بىرلەسكەن كۇش-جىگەرىمىزگە ادالدىعىمىزدىڭ سيمۆولى رەتىندە يۋنەسكو-عا كور­سەتىلگەن سەنىم دەپ قابىل­داي­مىن», دەپ اتاپ ءوتتى. يۋنەسكو باسشىسىنىڭ ايتۋىنشا, 2012 جىلعى مامىردا الەمدىك جانە ءداستۇرلى ءدىن­دەر كوشباسشىلارىنىڭ IV سەزىنە قاتىسۋ ءۇشىن, سونداي-اق, 2013 جىلعى تامىزدا حالىق­ارا­لىق ونجىلدىقتى اشۋ ءۇشىن قازاقستانعا ساپارى بارى­سىن­دا پرەزيدەنت نۇرسۇلتان نازار­باەۆتىڭ باسشىلىعىمەن قازاق­ستاندا ىستەلىپ جاتقان كوپتەگەن وڭدى ىستەردىڭ كۋاگەرى بولعان. ناگرادا تاپسىرۋ راسىمىنە توتەنشە جانە ۋاكىلەتتى ەلشى, قازاقستاننىڭ يۋنەسكو جانىن­داعى تۇراقتى وكىلى نۇرلان دانەنوۆ, شەتەلدەردىڭ تۇراقتى وكىلدەرى, يۋنەسكو-نىڭ ەرىكتى ىزگى نيەت ەلشىلەرى مەن الەم ارتىستەرى قاتىستى. «ەگەمەن-اقپارات».