«باسەكەلەستىكتى قورعاۋ جانە دامىتۋ اگەنتتىگىنىڭ پاۆلودار وبلىسى بويىنشا دەپارتامەنتى وڭىرلىك پروكۋراتۋرا باسشىلىعىمەن «پاۆلودار مۇناي-حيميا زاۋىتى» جشس قىزمەتىن ۆەدومستۆوارالىق تەكسەرۋ شەڭبەرىندە 2021 جىلى شيكى مۇنايدى قايتا وڭدەۋ بويىنشا جۇمىستاردى ورىنداۋعا مونوپوليالىق جوعارى باعا بەلگىلەۋ تۇرىندە زاۋىتتىڭ ۇستەم جاعدايىن تەرىس پايدالانۋ دەرەگىن انىقتادى», دەلىنگەن حابارلامادا.
ۆەدومستۆو مالىمەتىنشە, مونوپولياعا قارسى دەپارتامەنتتىڭ قورىتىندىسىن پروكۋراتۋرا ءىس جۇرگىزۋ شەشىمىن قابىلداۋ ءۇشىن پاۆلودار وبلىسى بويىنشا ەكونوميكالىق تەرگەۋ دەپارتامەنتىنە جولداعان.
«2022 جىلعى 31 ناۋرىزدا ەكونوميكالىق تەرگەۋ دەپارتامەنتى 2021 جىلى شيكى مۇنايدى قايتا وڭدەۋ بويىنشا قىزمەتتەرگە مونوپوليالىق جوعارى باعانى بەلگىلەۋ دەرەگى بويىنشا «پمحز» جشس باسشىلىعىنا قاتىستى (قىلمىستىق ءىس قوزعالدى) سوتالدى تەرگەۋدى تىركەدى», دەلىنگەن ۆەدومستۆو مالىمەتىندە.
