وتىرىس بارىسىندا مەملەكەتتىك ورگانداردىڭ وتىن-ەنەرگەتيكا كەشەنىن دەمونوپوليزاتسيالاۋ جونىندەگى ۇسىنىستارى قارالدى.
ەنەرگەتيكا ءمينيسترى بولات اقشولاقوۆ اتىراۋ ءموز جانە پاۆلودار محز-دە سۇيىتىلعان مۇناي گازىن (سمگ) ساقتاۋ پاركتەرى مەن قۇيۋ ەستاكادالارى تەحنولوگيالىق تۇرعىدان بولىنگەنىن جانە جەكە ۇيىمدارعا تيەسىلى ەكەنىن ايتتى. تۇتىنۋشىلارعا ساقتاۋ جانە قۇيۋ قىزمەتتەرى قوسىمشا اقىعا كورسەتىلەدى, بۇل ءوز كەزەگىندە گازدىڭ تۇپكىلىكتى قۇنىن ارتتىرادى.
وسىعان بايلانىستى ەنەرگەتيكا مينيسترلىگى سۇيىتىلعان مۇناي گازىن اۋىستىرىپ تيەۋ جانە ساقتاۋ بويىنشا قىزمەت كورسەتەتىن تەحنولوگيالىق بايلانىستاعى نىسانداردى مۇناي وڭدەۋ زاۋىتتارىنىڭ بالانسىنا قايتارۋ ماسەلەسىن پىسىقتاۋدى ۇسىنادى. مۇناي ونىمدەرى نارىعىن دەمونوپوليزاتسيالاۋ ماقساتىندا ب.اقشولاقوۆ ءموز-گە مۇناي جەتكىزۋدىڭ قولدانىستاعى قۇرىلىمىن وزگەرتۋدى, سونداي-اق ودان ءونىمسىز دەلدالداردى الىپ تاستاۋدى ۇسىندى.
وتىرىس قورىتىندىسى بويىنشا كوميسسيا ايتىلعان ۇسىنىستاردى قولداپ, بىرقاتار ءتيىستى تاپسىرمالار جۇكتەدى.
