«بۇگىندە ىشكى ىستەر ورگاندارى تەرگەۋشىلەرىنىڭ وندىرىسىندە 1090 قىلمىستىق ءىس بار. قازىر 165 ادام قاماۋدا, ولاردىڭ بارلىعى اۋىرلاتاتىن ءمان-جايلار كەزىندە اۋىر جانە اسا اۋىر قىلمىستار جاسادى. جەكە باسىن ەسكەرە وتىرىپ, 315 كۇدىكتى قاماۋدان بوساتىلدى. بۇل – العاش رەت قىلمىس جاساعاندار جانە ءوز كىناسىن مويىنداعان ادامدار», دەدى س. ءادىلوۆ.
ونىڭ ايتۋىنشا 377 كۇدىكتىگە قاتىستى قىلمىستىق ىستەردى تەرگەۋ اياقتالىپ, سوتقا بەرىلگەن.
«ولاردىڭ كوبى ۇرلىق جاساعاندار – 196 ادام. قارۋدىڭ زاڭسىز اينالىمىنا كۇدىكتىلەر – 39, توناۋ, ۇرلاۋ جانە ۇساق ۇرلىق جاساعاندار – ۇشەۋ», دەدى ول.
ءىىم وكىلىنىڭ اقپاراتىنا سايكەس بۇگىنگە دەيىن ەل سوتتارى 168 ادامدى سوتتاعان. ولاردىڭ كوپشىلىگىنە قوعامنان وقشاۋلاۋعا بايلانىستى ەمەس جازالاۋ شارالارى بەكىتىلگەن.
