اتالعان جارىستىڭ قارساڭىندا بەلگىلى مەتسەنات بەرىك قانيەۆ: «دارىندى جاستاردى قولداۋ جانە سالاماتتى ءومىر سالتىن ناسيحاتتاۋ ماقساتىندا ەلىمىزدىڭ ەكى قالاسىندا شاحماتتان ءىرى تۋرنير ۇيىمداستىرۋدى قۇپ كوردىك. وسىنداي اۋقىمدى شارانىڭ وتۋىنە مۇرىندىق بولعان Fizmat Endowment Fund قورى مەن قازاقستان شاحمات فەدەراتسياسىنا ايتار العىسىمىز زور. ولاردىڭ وسكەلەڭ ۇرپاققا بارىنشا قولداۋ كورسەتىپ وتىرعانى قۋانتادى. كۇنى كەشە عانا ۇيىمداستىرۋشىلار جارىستىڭ جۇلدە قورى 2 ملن تەڭگەنى قۇرايتىنىن جاريا ەتتى. سونىمەن قاتار رفمم ءبىلىم بەرۋ ءۇشىن ءتورت ءبىلىم گرانتىن بولەدى. بىلىمگە ينۆەستيتسيا سالۋ جاستار ءۇشىن ەڭ كەرەمەت سىيلىق ەكەنى ءسوزسىز. وسىنداي ءىس-شارالار وقۋشىلارىمىزدى جاڭا جەڭىستەرگە يتەرمەلەپ, تالانتتارىن اشا تۇسەتىنىنە كامىل سەنەمىن. بارشا قاتىسۋشىلارعا ساتتىلىك تىلەيمىن», دەدى.
