ماينينگكە ارنالعان قۇرىلعىلار ساۋدا ورتالىعىنىڭ پاركينگىنەن تابىلادى. ولاردى ورتالىقتىڭ جەلدەتۋ قۇبىرىنداعى كابەلدىك جەلىلەردى تەكسەرىپ جۇرگەن ينجەنەرى بايقاپ, باسشىلارىنا حابارلاعان.
تەكسەرۋ بارىسىندا پوليتسەيلەر جەلدەتۋ قۇبىرىنىڭ ۇستىنەن قوسۋلى تۇرعان 4 قۇرىلعىنى انىقتايدى. اتالعان فاكتى بويىنشا ماتەريال ەكونوميكالىق تەرگەۋ دەپارتامەنتىنە جىبەرىلدى.
ايتا كەتەيىك, پرەزيدەنت تاپسىرماسىنان كەيىن ەلدە 51 ماينينگ فەرمانىڭ زاڭسىز قىزمەتىنە توسقاۋىل قويىلىپ, 55 فەرما جۇمىسىن وزدىگىنەن توقتاتقان-دى.
جۋىردا قر تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين «Astana hub» تەحنوپاركىنە تىركەلۋ ارقىلى جەڭىلدىكتەر العان ماينينگ فەرمالار تۋرالى پىكىر ءبىلدىردى.
سونداي-اق, الداعى ايدا ماينينگ سالىعىن كوبەيتۋدى كوزدەيتىن زاڭ جوباسى دايىن بولماق.
