وسى جىلدىڭ باسىندا قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى رومان سكليار مەملەكەت باسشىسىنىڭ كىرمە جولداردى رەتكە كەلتىرۋ جونىندەگى تاپسىرماسى اياسىندا كىرمە جولدار سالاسىندا قىزمەت كورسەتەتىن تابيعي مونوپوليالار سۋبەكتىلەرىنىڭ قىزمەتىنە تەكسەرۋ جۇرگىزۋدى, قىزمەتتەر قۇنىنىڭ نەگىزدىلىگىن تالداۋدى جانە تاريفتەردى تومەندەتۋ بويىنشا شارالار قابىلداۋدى تاپسىردى.
ءبىرىنشى كەزەڭدە بيىل 1 اقپاننان باستاپ كىرمە جولداردى ۇسىنۋ قىزمەتتەرىن جۇزەگە اسىراتىن 21 سۋبەكتىگە («كسو» اق, «Arman Kala Limited» جشس جانە باسقالارى) تاريفتەر ورتاشا 80%-عا تومەندەدى.
بۇل رەتتە, ۇكىمەت باسەكەلەستىكتى قورعاۋ جانە دامىتۋ اگەنتتىگىمەن بىرلەسىپ, قىزمەت كورسەتۋ كەزىندە ءوز جاعدايىن تەرىس پايدالاناتىن جوسىقسىز سۋبەكتىلەردى انىقتاۋ بويىنشا جۇمىستى جالعاستىردى.
بۇگىنگى تاڭدا ەلىمىزدىڭ بارلىق وڭىرلەرىندە كىرمە جولدار قىزمەتىن كورسەتەتىن 120-دان استام سۋبەكتىگە تاريفتەر تومەندەتىلدى.
وسىلايشا, قابىلداناتىن شارالار تاسىمالداناتىن تاۋارلاردىڭ (جۇكتەردىڭ) تۇپكىلىكتى قۇنىنا وڭ اسەر ەتەدى جانە كاسىپكەرلەردىڭ اتالعان قىزمەتتەردى تولەۋ شىعىستارىن ايتارلىقتاي تومەندەتەدى.
