جوبانى ەكونوميكالىق ىنتىماقتاستىق جانە دامۋ ۇيىمى جۇرگىزەدى جانە وقۋشىلاردىڭ جالپى ءبىلىم دەڭگەيىن, ماتەماتيكا جانە جاراتىلىستانۋ پاندەرى بويىنشا عىلىمي ساۋاتتىلىق دەڭگەيىن باعالايدى. ۇيىمداستىرۋشىلار ساۋالداماعا قاتىساتىن ءبىلىم مەكەمەلەرى مەن وقۋشىلار كەزدەيسوق ىرىكتەۋ ءادىسى ارقىلى تاڭداپ الماق. اتالعان جوبا 2000 جىلدان بەرى ءار 3 جىل سايىن جۇرگىزىلىپ كەلەدى.
– PISA قازىرگى وقۋ ساپاسى مەن وقۋشىلاردىڭ مەكتەپتەن العان بىلىمدەرىن تاجىريبەدە قولدانا ءبىلۋ قابىلەتىن باعالايدى. ءبىلۋ – قازىرگى فۋنكتسيونالدىق ساۋاتتىلىقتىڭ ەڭ ماڭىزدى اسپەكتىلەرىنىڭ ءبىرى. وسى ۋاقىت ىشىندە زەرتتەۋگە 15 جاستاعى 3 ملن-نان استام ستۋدەنتتەر مەن وقۋشىلار قاتىستى. وتكەن جىلى پاندەمياعا بايلانىستى مۇنداي زەرتتەۋ جۇرگىزىلگەن جوق. ال بيىل جوباعا 80-گە جۋىق ەل قاتىسادى, – دەدى وبلىستىق ءبىلىم باسقارماسىنىڭ ءباسپاسوز حاتشىسى اننا لازارەۆا.
PISA حالىقارالىق زەرتتەۋ جوباسىنا قوستاناي وبلىسىنداعى 4 كوللەدج, 32 مەكتەپتە ءبىلىم الىپ جاتقان 1 030 وقۋشى تاڭدالىپ الىنعان. وقۋشىلاردىڭ ءبىلىم دەڭگەيى كومپيۋتەر فورماتىندا تەست سۇراقتارى مەن ساۋالداماعا جاۋاپ بەرۋ ارقىلى تەكسەرىلەدى. بۇل جولى بالالاردىڭ شىعارماشىلىق ويلاۋ داعدىسى باعالانباق.
PISA ناتيجەلەرى وقۋشىلاردىڭ وقۋ ۇلگەرىمى بويىنشا العان باعالارىنا اسەر ەتپەيدى, بىراق سالماقتى تالداۋ نىسانى رەتىندە پايدالانىلادى.
ۇيىمداستىرۋشىلاردىڭ ايتۋىنشا, مۇنداي زەرتتەۋلەر وقۋشىلاردىڭ وقۋ داعدىسىن, ماتەماتيكالىق جانە عىلىمي ساۋاتتىلىعىن باعالاۋمەن عانا شەكتەلمەيدى, سونىمەن قاتار بالالاردىڭ وقۋعا دەگەن ىنتا-ىقىلاسىنىڭ نەندەي ۋاجگە نەگىزدەلەتىنىن قوسا زەردەلەيدى. ال زەرتتەۋ بارىسىندا الىنعان مالىمەتتەر ءبىلىم بەرۋ سالاسىنداعى كەمشىن ءتۇسىپ جاتقان وزەكتى ماسەلەلەردى انىقتاۋعا, سونداي-اق ءبىلىم بەرۋ ستراتەگياسىن جەتىلدىرۋ بويىنشا ۇسىنىستار جاساۋعا كومەكتەسەدى.
قوستاناي وبلىسى
