شتابتىڭ مالىمەتىنشە, 6 ءساۋىر كۇنى تاڭعى ساعات 6:00-دە تۇركسىب اۋدانىندا جوسپارلى جاتتىعۋلار باستالدى. ءتارتىپ ساقشىلارى سپاسسكايا كوشەسىنىڭ بويىندا ورنالاسقان №67 ۇيدە جاتتىعۋ جاساپ, شەبەرلىكتەرىن شىڭداپ جاتىر. لاڭكەستىككە قارسى وقۋ-جاتتىعۋلار ساعات 12:00-گە دەيىن وتەدى.
«وقۋ-جاتتىعۋدىڭ ماقساتى - ادام كوپ شوعىرلانعان جەرلەردە لاڭكەستىك قاۋىپ تونگەن جاعدايدا ءوزارا ارەكەتتەسۋ داعدىلارىن دامىتۋ. وقىتۋ تاپسىرمالارى لاڭكەستكتىڭ جولىن كەسۋ تەتىگىن جەتىلدىرۋگە باعىتتالعان.
وقۋ-جاتتىعۋلاردى وتكىزۋ كەزەڭىندە شەكتەۋلەر قويىلاتىنىن حابارلايمىز. وسىعان بايلانىستى ازاماتتاردى بولىپ جاتقان وقيعالارعا تۇسىنىستىكپەن قاراۋعا, قاۋىپسىزدىك شارالارىن ساقتاۋعا جانە وقۋ-جاتتىعۋلاردى وتكىزۋگە تارتىلعان مەملەكەتتىك قىزمەتكەرلەردىڭ زاڭدى تالاپتارىن ورىنداۋعا شاقىرامىز», دەپ حابارلادى تەرروريزمگە قارسى كۇرەس قاۋىمداستىعى.
