جىلى جاقتا قىستاپ شىعىپ, الىستان تالىپ جەتكەن جىل قۇستارىنىڭ قاناتى تالدى ما ەكەن, الدە كەيىندە قالىپ كەشىككەن بىرقازانداردىڭ تىزبەگىن كۇتتى مە ەكەن, بيىل ادەتتە قونا بەرمەيتىن اۋليەكولگە ايالداپتى. ۇزىن تۇمسىق, ەسكەكاياق قاناتتىلاردىڭ ايتەۋىر ناۋىرزىم قورىعىن بەتكە الىپ بارا جاتقانى انىق. ويتكەنى بۇل قۇستار جىلدا كۇن جىلىنعان سوڭ ناۋىرزىم قورىعىنا ۇشىپ كەلىپ, الا جازداي وسى ءوڭىردى مەكەندەيدى. سول جەردە ۇيا سالىپ, بالاپاندارىنىڭ قاناتى قاتايعان سوڭ كۇزدىڭ قارا سۋىعىندا قايتادان جىلى جاققا ۇشىپ كەتەدى.
مامانداردىڭ ايتۋىنشا, بىرقازان سيرەك كەزدەسەتىن, ۇياسىن كەز كەلگەن جەرگە سالا بەرمەيتىن, سالماعى 10-11 كيلوعا دەيىن باراتىن ءىرى قۇس. كوبىنە نۋلى قامىستى كولدەردى مەكەندەيدى. وكىنىشكە قاراي, سوڭعى جىلدارى بۇل قۇستاردىڭ سانى بىرتە-بىرتە كەمىپ بارا جاتقان كورىنەدى. سوندىقتان زاڭسىز اڭشىلىقتى كاسىپ ەتكەن سۇرمەرگەندەردىڭ سۇق كوزىنە ءجيى ىلىگەدى, كوبى وسى قۇستى نىساناعا الۋعا قۇمار.
قوستاناي وبلىسى,
اۋليەكول اۋدانى
