بۇل جولداۋ قازاقستان مەن ونىڭ حالقىنا عانا ەمەس, قازاقستانعا جاقسىلىق تىلەيتىن بۇكىل الەمدەگى ادامدارعا, سونداي-اق بيىلعى قاڭتار ايىنداعى قايعىلى وقيعادان كەيىن ەلدەگى رەفورمالاردىڭ باعىتىن بىلمەككە ۇمتىلعان بيزنەسمەندەرگە ارنالعان.
كونستيتۋتسيالىق رەفورمالار, شىن مانىندە, ساياسي جۇيە ىشىندەگى بيلىكتى قايتا ءبولۋدى كوزدەيدى. سوندىقتان سۋپەرپرەزيدەنتتىك جۇيەدەن باس تارتىپ, ىقپالدى پارلامەنت, سونداي-اق باقىلاۋى جوعارى جانە ءوز ايماقتارىنىڭ دامۋىندا ۇلكەن ءرول اتقاراتىن ايماقتىق كوشباسشىلار تۋرالى ءسوز قوزعالدى. تۇتاستاي العاندا, بۇل قازاقستاننىڭ دەموكراتيالاندىرۋ جولىنداعى ىرگەلى قادامى جانە ونى قۇپتاۋ كەرەك.
پرەزيدەنت قاسىم-جومارت توقاەۆ نەگىزگى رەفورمالارعا قايتا-قايتا باسىمدىق بەرىپ, ولاردىڭ ءوزى جۇزەگە اسىرعىسى كەلەتىن كوپتەگەن باسقا رەفورما ءۇشىن ىرگەلى باعىتقا اينالاتىنىنا سەنىمدى.
ارينە, بۇل جولداۋ قاڭتار قاسىرەتىنەن كەيىن قاۋىپتەنگەن كوپتەگەن تىكەلەي شەتەلدىك ينۆەستوردىڭ, كاسىپكەرلەردىڭ, بانكيرلەردىڭ كۇپتى كوڭىلىن ورنىنا ءتۇسىرۋ تۇرعىسىنان دا ماڭىزدى.
بۇل قازاقستاننىڭ رەفورمالار باعدارلاماسى مەن ەكونوميكالىق دامۋ جوسپارلارىن جۇزەگە اسىرۋدى توقتاتپايتىنىن, ەلدىڭ العا باسىپ كەلە جاتقانىن ەسكە سالادى. مۇنداي قادام قازاق قوعامىنىڭ دامۋىنداعى ايتۋلى وقيعا رەتىندە تاريحتا قالادى دەپ ويلايمىن ءارى ەلدى ىلگەرى جىلجىتۋعا جول اشادى.
الان سپەنس,
قازاقستاننىڭ سولتۇستىك انگلياداعى قۇرمەتتى كونسۋلى
