«قازاقستان تاراپىنان جىبەرىلگەن گۋمانيتارلىق كومەك جالپى سالماعى 17,5 توننا بولاتىن جۇك توسەك-ورىن جانە تاماق سياقتى قاجەتتى زاتتاردى قامتيدى», دەلىنگەن قر تجم حابارلاماسىندا.
بۇعان دەيىن قازاقستان جالپى سالماعى 28,2 توننا بولاتىن 17 ءتۇرلى ءدارى-دارمەك, اتاپ ايتقاندا: انتيبيوتيكتەر, قابىنۋعا قارسى دارىلەر, جوتەلگە قارسى جانە انتيگيپەرتەنزيۆتى پرەپاراتتار تۇرىندە گۋمانيتارلىق كومەك جىبەرگەن بولاتىن.
جۇكتى جەتكىزەتىن «بۇركىت» مەملەكەتتىك اۆياكومپانياسىنىڭ يل-76 ۇشاعى ەلگە قايتار جولدا قازاقستاندىق ديپلوماتتاردىڭ كومەگىمەن ۋكراينادان پولشاعا كەلگەن بىرنەشە ونداعان قازاقستان ازاماتتارىن الىپ كەتەدى دەپ جوسپارلانۋدا.
