سپورت • 28 ناۋرىز, 2022

دۋشانبەدە دارا شىقتى

206 رەت
كورسەتىلدى
1 مين
وقۋ ءۇشىن

بۇل كۇندەرى تاجىكستاننىڭ باس شاھارى – دۋشانبەدە شوسسەدەگى ۆەلوسپورتتان ازيا چەمپيوناتى ءوتىپ جاتىر. بۇل جارىستا قازاقستان قۇراماسى تابىستى ونەر كورسەتۋدە.

دۋشانبەدە دارا شىقتى

چەمپيوناتتىڭ العاشقى كۇنى قۇرامىندا ەۆگەني فەدوروۆ, يگور چجان, يۋري ناتاروۆ جانە ەۆگەني گيديچ سىندى ۆەلوشاباندوزدار بار ەرلەر كومانداسى 24 شاقىرىمدىق قاشىقتىقتى 26 مينۋت 48.933 سەكۋندتا ءجۇرىپ ءوتىپ, باس جۇلدەنى ولجالادى. كۇمىس پەن قولا مەدالدى موڭعوليا مەن يراننىڭ سپورتشىلارى يەلەندى. ايەلدەردىڭ كوماندالىق سايىسىندا وتانداستارىمىز مارە سىزىعىن ەكىنشى بولىپ قيىپ ءوتتى. بۇل باسەكەدە قازاق ەلى نامىسىن ريناتا سۇلتانوۆا, فاينا پو­تاپوۆا, ماحاببات ءۇمىتجانوۆا جانە ان­جەلا سولوۆەۆا قورعادى. ءبىزدىڭ قىزدار وزبەك­ستان­دى العا جىبەرسە, يراندىقتار ءۇشىنشى ورىندى قاناعات تۇتتى.

جەكەلەگەن سايىستا 15 شاقىرىمدىق مەجەنى 20 مينۋت 54.601 سەكۋندتا باعىندىرعان داريا قازاقباي كۇمىس مەدالدى موينىنا ءىلدى. قازاق قىزى وزبەكستاندىق اننا كۋسكوۆادان عانا قالىپ قويدى. جاسوسپىرىمدەر اراسىنداعى جارىستا الەكسەي ۆاگانوۆ توپ جاردى. سونداي-اق پاراۆەلوسپورتتان وتكەن سايىستا كەنجەقۇل سەيىتجان مەن ماقسات قادىروۆ تا ءۇشىنشى ساتىعا تابان تىرەدى.

سوڭعى جاڭالىقتار