ەرتىستىڭ جاعالاۋىندا وتەتىن جارىستا قازاقستاننىڭ نامىسىن وسكەمەننىڭ «التايى» مەن پەتروپاۆلدىڭ «قۋانىشى» قورعايدى. بۇل كلۋبتاردىڭ ەكەۋى دە مىقتى. «التايدىڭ» التى دۇركىن ەل چەمپيونى, ءتورت دۇركىن ەل كۋبوگى مەن سۋپەركۋبوگىنىڭ يەگەرى دەگەن اتاقتارى بار. جوعارىداعى بەلەستەردىڭ بارلىعىن ولار 2016-2022 جىلدار ارالىعىندا باعىندىردى. بىلتىر تايلاندتا وتكەن ازيانىڭ كلۋبتىق چەمپيوناتىندا الدارىنا جان سالماعان وسكەمەندىك ارۋلار التىننان القا تاقتى. ال كىلەڭ قازاقستاندىق ۆولەيبولشىلاردان جاساقتالعان «قۋانىشتىڭ» دا قازىرگى قارقىنىنا كوڭىل تولادى.
«التاي» مەن «قۋانىشتان» بولەك, اتالعان جارىستا يراننىڭ Barij Essence, تايلاندتىڭ Diamond Food-Fine Chef Sport Club, وزبەكستاننىڭ Jizzakh State Pedagogical Institute جانە جاپونيانىڭ JT Marvelous كلۋبتارى ءوز ونەرلەرىن ورتاعا سالادى.
