«2021 جىلعى قازاندا شەكارا قىزمەتى مەن ۇقك-نىڭ ماڭعىستاۋ وبلىسى بويىنشا دەپارتامەنتى كاسپي تەڭىزى سۋ ايلاعىنداعى بىرلەسكەن ءىس-شارالار بارىسىندا قازاقستان رەسپۋبليكاسىنىڭ مەملەكەتتىك شەكاراسىن قاساقانا زاڭسىز كەسىپ وتكەنى ءۇشىن ەكى شەتەل ازاماتى مىنگەن «امۋر» ءتيپتى شاعىن كەمەنى ۇستادى», دەلىنگەن حابارلامادا.
ۆەدومستۆو مالىمەتىنشە, ءجۇزۋ قۇرالىن تەكسەرۋ بارىسىندا سالماعى 14 كەلى «اپيىن», 8 كەلى «گاشيش» جانە «مەتادون» پسيحوتروپتىق زاتىنىڭ 29 پلاستيناسى تابىلىپ, تاركىلەنگەن.
2021 جىلعى جەلتوقساندا ۇستالعانداردىڭ ءبىرى 392-باپتىڭ 1-بولىگى («قازاقستان رەسپۋبليكاسىنىڭ مەملەكەتتىك شەكاراسىن قاساقانا زاڭسىز كەسىپ ءوتۋ») بويىنشا كىنالى دەپ تانىلىپ, 5 جىل مەرزىمگە قر شەگىنەن شىعارۋمەن 6 ايعا باس بوستاندىعىنان ايىرىلعان.
2022 جىلعى 10 ناۋرىزدا مامانداندىرىلعان اۋدانارالىق سوت ەكىنشى شەتەلدىك ازاماتتى قىلمىستىق كودەكستىڭ بىرنەشە بابى بويىنشا كىنالى دەپ تانىعان. وعان جازاسىن قىلمىستىق-اتقارۋ جۇيەسىنىڭ قاۋىپسىزدىگى بارىنشا جوعارى مەكەمەسىندە وتەي وتىرىپ, 17 جىلعا باس بوستاندىعىنان ايىرۋ جازاسى كەسىلگەن.
