نەگىزگى جارىسقا ىرىكتەۋ سايىستارىنان قوسىلعان قازاقستاندىق تەننيسشى العاشقى اينالىمدا الەمنىڭ 42-راكەتكاسى, نيدەرلاندىلىق بوتيك ۆان دە زاندشۋلپپەن كۇش سىناستى. قارسىلاستار بۇعان دەيىن ءبىر رەت كەزدەسىپ, وندا م.كۋكۋشكين جەڭگەن ەدى. بۇل جولى ميحايل 6:4, 6:4 ەسەبىمەن باسىم ءتۇستى. ءبىر ساعات 51 مينۋتقا سوزىلعان ماتچ بارىسىندا م.كۋكۋشكين ەيس جاساماعانىمەن, 12 برەيك-پوينتتىڭ ۇشەۋىن پايدالانا ءبىلدى. قارسىلاسى 4 ەيس, 1 برەيكپەن (12 برەيك-پوينت) شەكتەلدى.
م.كۋكۋشكين ەكىنشى اينالىمدا الەمنىڭ 13-راكەتكاسى, امەريكالىق تەيلور فريتسپەن شەبەرلىك بايقاسادى. ت.فريتس جۋىردا ينديان-ۋەللس ماستەرس تۋرنيرىندە ۇزدىك شىققان ەدى.
ماياميدە قازاقستاندىقتار الەكساندر بۋبليك پەن اندرەي گولۋبەۆ جۇپتىق سىندا باستاپقى باسەكەلەرىندە يسپانيالىق فەليسيانو لوپەس – گرەكيالىق ستەفانوس تسيتسيپاستان 6:7 (2:7), 4:6 ەسەبىمەن جەڭىلىپ قالدى.
