ايتالىق, 2020 جىلى جالاڭاشكول ستانساسى ۆوكزالىندا جولاۋشىلار پلاتفورماسى 500 مەترگە دەيىن ۇزارتىلدى. بۇل جولاۋشىلاردى وتىرعىزۋ مەن ءتۇسىرۋدى ۇيىمداستىرۋ كەزىندە قاۋىپسىزدىكتى قامتاماسىز ەتۋگە مۇمكىندىك بەردى. پويىز كۇتۋدى ىڭعايلى ەتۋ ءۇشىن 9 پاۆيلون (قالقالار) ورناتىلدى. ولار جولاۋشىلاردى كۇن مەن قولايسىز اۋا رايىنان قورعايدى. بىلتىر باسپالداق باسقىشتارىمەن, تايانىشتارمەن, اۋلاداعى دارەتحانالار مەن مۇمكىندىگى شەكتەۋلى جاندارعا ارنالعان پاندۋستارمەن جابدىقتالدى. پلاتفورماعا كەسپە تاستار توسەۋ اياقتالسا, ونىڭ ىشىندە باسپالداقتاردان قالقالارعا دەيىنگى جولدار دا بار. سونداي-اق پروجەكتورلار ورناتىلدى.
– سونىمەن قاتار 2018 جىلى اقشي ستانساسىندا جولاۋشىلارعا قىزمەت كورسەتۋ پۋنكتى بار وندىرىستىك عيمارات سالىندى. ونىڭ جالپى اۋدانى 264 شارشى مەتردەن اسادى. جولاۋشىلار پلاتفورماسىنىڭ ۇزىندىعى – 500 مەتر. 2020 جىلى كوكتۇما اۋىلىنا قاراما-قارسى ستانسادان 7 شاقىرىم قاشىقتىقتا 500 مەترگە دەيىن جولاۋشىلار پلاتفورماسى ۇزارتىلدى جانە التى قالقا (پاۆيلون) ورناتىلدى. ءبىز وسى ۆوكزالداردا جولاۋشىلاردىڭ پويىزداردى كۇتۋ جاعدايلارىن جاقسارتۋ بويىنشا جۇمىستاردى جالعاستىرۋدامىز, – دەپ اتاپ ءوتتى «قتج» ۇك» اق – «ماگيسترالدى جەلى ديرەكتسياسى» فيليالى ديرەكتورىنىڭ مىندەتىن اتقارۋشى رامازان سادىرقۇلوۆ.
ەستەرىڭىزگە سالا كەتسەك, وتكەن جىلى ۇلتتىق كومپانيادا تۋريستىك فيرمالاردىڭ, قوناق ءۇي كاسىپورىندارىنىڭ جانە جەكە تاسىمالداۋشىلاردىڭ قاتىسۋىمەن ءۇش كەڭەس وتكەن بولاتىن. وندا بالالار بيلەتتەرى مەن توپتىق ساتىپ الۋلاردى قوسا العاندا, جول ءجۇرۋ قۇجاتتارىن ساتىپ الۋ بويىنشا ماسەلەلەردىڭ دەنى شەشىمىن تاپتى. «قتج» ۇك» اق-دا 2022 جىلدىڭ جازعى كەزەڭىنە جازعى تاسىمالداردى قامتاماسىز ەتۋ جوسپارى ازىرلەندى جانە بەكىتىلدى. ماسەلەن, ءساۋىر ايىندا تۋريستىك نارىق قاتىسۋشىلارىن قوسا العاندا, بارلىق قاتىسى بار قۇرىلىمدار شاقىرىلعان كەڭەس وتەدى.
2021 جىلدىڭ جاز مەزگىلىندە الاكول باعىتىندا 182 مىڭ جولاۋشى تاسىمالداندى. بيىل پويىزداردىڭ قاتىناۋ مەرزىمدىلىگى ساقتالادى. بۇل رەتتە ۇسىنىلعان ورىندار سانى وتكەن جىلمەن سالىستىرعاندا 11 مىڭعا ارتادى دەپ جوسپارلانۋدا. بيىل دەمالىس ماۋسىمىندا الاكول باعىتىندا بارلىعى 11 جولاۋشىلار پويىزى قاتىنايدى, ونىڭ ىشىندە:
نۇر-سۇلتاننان:
– №54/53 «نۇر-سۇلتان نج-دوستىق», تاسىمالداۋشى «جولاۋشىلار تاسىمالى» اق (اپتاسىنا 2 رەت قاتىنايدى);
– №258/257 «نۇر-سۇلتان-1-دوستىق», تاسىمالداۋشى «جولاۋشىلار تاسىمالى» اق (اپتاسىنا 2 رەت قاتىنايدى);
– №122/6942/6941/121 «نۇر-سۇلتان-1-دوستىق» پويىزدارى قۇرامىنداعى جولدا كىدىرمەيتىن ۆاگوندار, تاسىمالداۋشى «ارايترانسKZ» جشس (جۇپ كۇندەرى).
الماتىدان:
– №221/222 تالگو «الماتى-2-دوستىق», تاسىمالداۋشى «جولاۋشىلار تاسىمالى» اق (اپتاسىنا 2 رەت قاتىنايتىن بولادى);
– №211/212 «الماتى-2-دوستىق», تاسىمالداۋشى «جولاۋشىلار تاسىمالى» اق (اپتاسىنا 2 رەت قاتىنايتىن بولادى);
– №22/6941/6942/21 «الماتى-2-دوستىق» پويىزدار قۇرامىنداعى جولدا كىدىرمەيتىن ۆاگوندار «جولاۋشىلار تاسىمالى» اق (جۇپ كۇندەرى);
– №137/138 «الماتى-دوستىق», تاسىمالداۋشى Vagon Service Almaty جشس (اپتاسىنا 3 رەت قاتىنايتىن بولادى);
– №453/454 «الماتى-2-دوستىق» تاسىمالداۋشى «تۇران ەكسپرەسس» وك جشس (اپتاسىنا 3 رەت قاتىنايتىن بولادى).
شىعىس قازاقستان وبلىسىنان:
– №457/458 «سەمەي-دوستىق», تاسىمالداۋشى «جولاۋشىلار تاسىمالى» اق (تاق كۇندەرى);
– №459/460 «وسكەمەن-دوستىق», تاسىمالداۋشى «جولاۋشىلار تاسىمالى» اق (تاق كۇندەرى);
– №6941/6942 «اقتوعاي-دوستىق», تاسىمالداۋشى «جولاۋشىلار تاسىمالى» اق (كۇن سايىن قاتىنايتىن بولادى).
