ۆەدومستۆونىڭ حابارلاۋىنشا, رەسەي فەدەراتسياسىنىڭ حاباروۆسك ايماعىندا قىلمىستىق ىزدەستىرۋ قىزمەتكەرلەرى 2015 جىلدىڭ تامىز ايىنان باستاپ ۇرلاۋ مەن كىسى ولتىرۋگە قاتىسقانى ءۇشىن ىزدەۋدە جۇرگەن تەمىرتاۋدىڭ 36 جاستاعى تۇرعىنىن ۇستادى.
سونىمەن قاتار تاشكەنتتە تۇركىستان وبلىسىنىڭ 30 جاستاعى تۇرعىنى ۇستالدى, وعان ناۋرىز ايىنان بەرى سارىاعاش قالاسىنىڭ كاسىپكەرىنەن 25 ملن تەڭگە بوپسالاعانى ءۇشىن ىزدەۋ جاريالانعان.
تاجىكستانداعى سوعدى وبلىسىندا 2019 جىلدىڭ قازان ايىندا كافەدە كىسى ولتىرگەنى ءۇشىن شىمكەنت پوليتسيا دەپارتامەنتى ىزدەستىرىپ جاتقان قازاقستاننىڭ 27 جانە 30 جاستاعى ازاماتتارى ۇستالدى.
سامارا وبلىسىنىڭ تولياتتي قالاسىندا 39 جاستاعى ەر ادامدى پاۆلودار وبلىسى پد ىزدەستىرۋ توبى ۇستادى. كۇدىكتى 2020 جىلدىڭ ماۋسىم ايىندا «قازپوشتا» اق اقپاراتتىق جۇيەسىنە زاڭسىز قول جەتكىزۋ جولىمەن قايتالانعان ترانزاكتسيالار جاساي وتىرىپ, 294 ملن تەڭگە ۇرلاعان.
10 كۇنگە سوزىلعان ارنايى وپەراتسيانىڭ قورىتىندىسى بويىنشا رەسپۋبليكادان تىس 39 ىزدەۋشى انىقتالىپ, ۇستالدى. اتاپ ايتقاندا رەسەيدە – 23, وزبەكستاندا – 8, قىرعىزستاندا – 4, تاجىكستاندا, پولشادا, مونعوليادا جانە لاتۆيادا – ءبىر-بىردەن.
سونىمەن قاتار تمد ەلدەرىنىڭ قۇقىق قورعاۋ ورگاندارىنىڭ سۇراۋى بويىنشا 152 ادام ۇستالدى.
