ۇكىمەت • 24 ناۋرىز، 2022

ەكونوميكانى مونوپولياسىزداندىرۋ جونىندەگى كوميسسيا جۇمىسىن باستادى

88 رەت كورسەتىلدى

مەملەكەت باسشىسىنىڭ تاپسىرماسىن ورىنداۋ ماقساتىندا قر ۇكىمەتى جانىنان ەكونوميكانى مونوپولياسىزداندىرۋ جونىندەگى كوميسسيا قۇرىلدى، دەپ حابارلايدى Egemen.kz primeminister.kz-كە سىلتەمە جاساپ.

كوميسسيا قۇرامىنا سىبايلاس جەمقورلىققا قارسى ءىس-قيمىل، قارجى مونيتورينگى، باسەكەلەستىكتى قورعاۋ جانە دامىتۋ اگەنتتىكتەرىنىڭ ءبىرىنشى باسشىلارى، ۇكىمەت مۇشەلەرى، باس پروكۋراتۋرانىڭ جانە «سامۇرىق-قازىنا» اق وكىلدەرى كىردى. كوميسسيانىڭ مىندەتى – مونوپولياسىزداندىرۋ بويىنشا ۇسىنىمدار ازىرلەۋ. اتاپ ايتقاندا، كوميسسيا جۇمىسى شەڭبەرىندە تەلەكوممۋنيكاتسيا، تەمىرجول ينفراقۇرىلىمى، مەديا اكتيۆتەر جانە باسقا سالالارداعى نەگىزسىز جەكەشەلەندىرىلگەن نىسانداردى مەملەكەت مەنشىگىنە بەرۋ ماسەلەلەرى قارالاتىن بولادى. بۇگىن كوميسسيانىڭ العاشقى وتىرىسى ءوتتى، وندا قر قارجى ءمينيسترى ە. جاماۋباەۆ، باس پروكۋروردىڭ ورىنباسارى ب. دەمباەۆ جانە ت. ب. بايانداما جاسادى.

العاشقى وتىرىستىڭ قورىتىندىسى بويىنشا ءاليحان سمايىلوۆ قارجى مينيسترلىگىنە ۋاكىلەتتى مەملەكەتتىك ورگاندارمەن جانە «سامۇرىق-قازىنا» اق-مەن بىرلەسىپ، ءبىر اپتا ىشىندە ۇكىمەتكە نەگىزسىز جەكەشەلەندىرىلگەن نىسانداردى مەملەكەت مەنشىگىنە بەرۋ تەتىكتەرى بويىنشا ۇسىنىستار ەنگىزۋدى تاپسىردى.

سوڭعى جاڭالىقتار

ەرلىككە تولى ەڭبەك

قازاقستان • كەشە

شيراز بۇلب ۇلى

ادەبيەت • كەشە

اتا جۇرتتا

ادەبيەت • كەشە

اباي وبلىسىنىڭ اتى وزدى

ايماقتار • كەشە

ۇقساس جاڭالىقتار