ەكى جىل بويى ەل ءىشىن جايلاپ العان ىندەتتىڭ كەسىرىنەن كوكتەم مەرەكەسىنىڭ قىزىعىن كوگىلدىر ەكراننان عانا تاماشالاپ كەلگەن تۇرعىندار بيىل ۇلىستىڭ ۇلى كۇنىن ورتالىق الاڭعا شىعىپ ەل بولىپ تويلادى.
مەرەكەگە جيىلعان جۇرت وبلىس اكىمدىگى عيماراتى الدىنداعى ۇلكەن ساحنادا ونەر كورسەتكەن ءوڭىر ونەرپازدارىنىڭ كونتسەرتىن تاماشالادى. «ناۋرىز تويىم – مەرەكە, سالت-ءداستۇرىم – بەرەكە» اتتى تەاترلاندىرىلعان قويىلىم دا, كوزدىڭ جاۋىن الاتىن ءتۇرلى ەتنوگرافيالىق كورمەلەر دە كوپشىلىك كوڭىلىنەن شىقتى.
جەرگىلىكتى ەتنومادەني بىرلەستىكتەردىڭ اتىنان 10 شاقتى اسپاز قاتىسقان «پالاۋلار الەمى» اتتى بايقاۋدى قىزىقتاعان جۇرت كوپ بولدى. بايقاۋ شارتى بويىنشا اسپازدىڭ شەبەرلىگى پالاۋدىڭ تەز پىسۋىنە, سونداي-اق تاعامنىڭ تابەت وياتار حوش ءيىسى مەن دامدىلىگىنە قاراي باعالاندى.
«ەڭ ۇزدىك وتاۋ», «باۋىرساقتار» بايقاۋى سياقتى مادەني تانىمدىق شارالار مەن سپورت سايىستارى دا ناۋرىز تويىنىڭ شىرايىن اشا تۇسكەندەي. قازاق كۇرەسى, اۋدارىسپاق, جىلىك شاعۋ, قوي كوتەرۋ, قول تىرەس, اسىق, جامبى اتۋ باسەكەسى قىزدى. جالپى بيىلعى ناۋرىزدا ۇلتتىق سپورت پەن ۇلتتىق ويىن تۇرلەرىن ناسيحاتتاۋعا باسا ءمان بەرىلدى.
قوستاناي وبلىسى
