پەتروپاۆلداعى جىلۋ ورتالىعىنىڭ مۇرجاسى قۇلاعان كەزدە ءۇيىندى استىندا قالعان ماشينيست-قاراۋشى ءالى تابىلعان جوق. سولتۇستىك قازاقستان وبلىسى اكىمى ءباسپاسوز قىزمەتىنىڭ مالىمەتىنشە, 38 جاستاعى ايەلدى ىزدەستىرۋ جۇمىستارى جالعاسىپ جاتىر. ازىرگە ناتيجە جوق.
«قاۋىپسىزدىكتى قامتاماسىز ەتە وتىرىپ ىزدەۋ جۇمىستارىن ءتۇنى بويى جالعاستىرۋ جوسپارلانعان. قازىرگى ۋاقىتتا جىلۋ ورتالىعىندا 4 قازاندىق اگرەگاتى جۇمىس ىستەپ تۇر. جىلۋمەن قامتۋ كورسەتكىشتەرى قالپىنا كەلىپ جاتىر», دەدى وبلىس اكىمىنىڭ ءباسپاسوز حاتشىسى تيمۋر ابدىرەشوۆ.
بۇعان دەيىن توتەنشە جاعدايلار دەپارتامەنتىنىڭ باستىعى راميل كامالوۆ قۇتقارۋشىلاردىڭ ۇيىندىلەردى قولمەن قوپارىپ جاتقانىن ايتقان ەدى. قۇتقارۋشىلار قۇرىلىمدار قۇلايتىن بولعاندىقتان ينجەنەرلىك تەحنيكانى پايدالانىپ جاتقان جوق. ءۇيىندى استىندا قالعان ايەلدى ىزدەۋگە كينولوگيالىق قىزمەت تە تارتىلعان.
ەستەرىڭىزگە سالا كەتەيىك, 20 ناۋرىز كۇنى پەتروپاۆلداعى جەو-دا ءۇش ءتۇتىن مۇرجاسىنىڭ ءبىرى وپىرىلىپ قۇلادى.
