«قازىر ەپيداحۋالدىڭ جاقسارۋىنا بايلانىستى بارلىق شەكتەۋ الىنىپ تاستالدى. ەندى بۇرىنعى كوۆيدسىز ءومىردى قايتا قالپىنا كەلتىرۋ كەرەك. سوندىقتان بارلىق مەرەكەلىك شارالارعا شەكتەۋ قويىلمايدى», دەپ جاۋاپ بەردى اجار عينيات ورتالىق كوممۋنيكاتسيالار قىزمەتىندە جۋرناليست سۇراعىنا.
دەگەنمەن, مينيستر ءار ادام ءوز دەنساۋلىعىن ويلاۋى كەرەگىن, اۋىرىپ جۇرگەندەر ەرىكتى تۇردە وقشاۋلانۋى قاجەتتىگىن ايتتى.
«جرۆي نەمەسە قانداي دا ءبىر تۇماۋمەن اۋىرىپ جۇرگەن ادام كوپ جينالاتىن ورىندارعا بارماعانى دۇرىس», دەدى اجار عينيات.
ايتا كەتەيىك, ناۋرىز ايىندا كوروناۆيرۋسپەن سىرقاتتانۋ كورسەتكىشى 33 ەسە تومەندەگەن. قازىر ەلىمىزدىڭ بارلىق ءوڭىرى جاسىل ايماقتا ورنالاسقان.
