جوزە مانۋەل بارروزۋ - نوبەل سىيلىعىنىڭ لاۋرەاتى, ۆاكتسينالار مەن يممۋنداۋ جونىندەگى جاھاندىق اليانستىڭ (GAVI) توراعاسى, ەۋروپالىق كوميسسيانىڭ توراعاسى (2004-2014)
IV نوبەل فەستيۆالى جاڭا ەكونوميكانى مودەلدەۋگە, جاساندى ينتەللەكتتىڭ ۇستەمدىگىنە, نولدىك شىعارىندىلار جارىسىنا, سونداي-اق ساندىق مەتا-الەمدەگى ومىرگە ارنالعان. جەتەكشى ساراپشىلار سۇراقتارعا جاۋاپ بەرەدى: بولاشاقتىڭ جۇمىسى قانداي بولادى, 21 عاسىردىڭ مامانى قانداي داعدىلاردى قاجەت ەتەدى, NFT دەگەنىمىز نە, بلوكچەين يندۋسترياسى قالاي داميدى, بارلىعىمىز جاڭا شىندىققا قالاي دايىندالامىز جانە بولاشاق الەمىندە ادام قانداي بولادى. وسى ماسەلەلەردىڭ بارلىعى قازىر وزگەرىپ جاتقان تەحنولوگيالار عاسىرىندا اسا وزەكتى.
Hanson Robotics جاساعان العاشقى جاساندى ينتەللەكت روبوت-گۋمانويد
نوبەل فەستيۆالى اياسىندا نوبەل دارىستەرىنىڭ اپتالىعى وتەدى, ول نوبەل سىيلىعىنىڭ ون لاۋرەاتى مەن بەلگىلى سىيلىق يەگەرلەرىنىڭ دارىستەرىن تىڭداۋعا ەرەكشە مۇمكىندىك بەرەدى (Breakthrough prize نەمەسە عىلىمي وسكار - يننوۆاتسيالار بويىنشا ەڭ بەدەلدى سىيلىق, $3 ملن جۇلدە). دارىستەر ونلاين فورماتتا وتكىزىلەدى جانە 18-22 ءساۋىر ارالىعىندا تىركەلگەننەن كەيىن بارلىق تىلەك بىلدىرۋشىلەرگە تەگىن قول جەتىمدى بولادى.
ءبىر جىلدىڭ ىشىندە نوبەل فەستيۆالىنىڭ اۋديتورياسى 2000% - عا ءوستى. بۇگىنگى كۇنى عىلىم مەرەكەسى الەمنىڭ 155 ەلىنەن 500-دەن استام ۋنيۆەرسيتەتتەر مەن 200 000 قاتىسۋشىلاردى بىرىكتىرەدى. كوپ جاعدايدا مۇنداي ءوسۋ Nobel Fest-تە جىل سايىن نوبەل سىيلىعىنىڭ 12 لاۋرەاتى, (Breakthrough Prize) سىيلىعىنىڭ 10 لاۋرەاتى, سونداي-اق بۇكىل الەمنىڭ ستۋدەنتتەرىمەن ءوز بىلىمدەرى مەن تاجىريبەسىمەن بولىسەتىن الەمگە ايگىلى ساراپشىلاردىڭ بولۋىنا بايلانىستى.
نوبەل فەستيۆالىنىڭ قاتىسۋشىسى, الەمدەگى ەڭ تانىمال ەكونوميستەردىڭ ءبىرى, كولۋمبيا ۋنيۆەرسيتەتىنىڭ پروفەسسورى دجەففري ساكس اتاپ وتكەندەي: «20-30 جىلدان كەيىن قازىرگى ستۋدەنتتەر: «مەن نوبەل سىيلىعىن الدىم, ويتكەنى ءبىر كەزدەرى نوبەل فەستيۆالىندە تەگىن دارىسكە قاتىسىپ, مەنى قىزىقتىراتىن نارسەنى ۇيرەنۋگە تالپىندىم» - دەۋى ابدەن مۇمكىن.
نوبەل فەستيۆالى - اۋقىمدى ءبىلىم بەرۋ فورۋمى عانا ەمەس, سونداي-اق ءتۇرلى سالالارداعى ءبىلىم مەن سوڭعى ازىرلەمەلەرگە قول جەتكىزۋگە مۇمكىندىك بەرەتىن الەمدىك عالىمدار مەن قازاقستان ۋنيۆەرسيتەتتەرى اراسىنداعى ارىپتەستىكتى نىعايتۋعا ارنالعان ۆيرتۋالدى پلاتفورما. Nobel Fest سەرىكتەس ۋنيۆەرسيتەتتەرىنىڭ نوبەل لاۋرەاتىنىڭ ەكسكليۋزيۆتى دارىسىنە قاتىسۋعا, تەك ماماندار مەن ساراپشىلارعا قول جەتىمدى وزىق زەرتتەۋلەرمەن تانىسۋعا بىرەگەي مۇمكىندىگى بار. مۇنداي ىنتىماقتاستىق عىلىمدى دامىتۋدىڭ الدىڭعى شەبىندە بولۋعا مۇمكىندىك بەرىپ قانا قويماي, ءبىلىم بەرۋدەگى سوڭعى ۇردىستەردى قاداعالايتىن وقۋ ورنى رەتىندە ۋنيۆەرسيتەتتىڭ الەمدىك رەيتينگتەردەگى پوزيتسياسىن نىعايتادى. فەستيۆالدىڭ مىندەتى - عىلىمدى الەمنىڭ ءار تۇكپىرىندە قولجەتىمدى ەتۋ جانە ۋنيۆەرسيتەتتەردەگى ءبىلىم ساپاسىن ارتتىرۋ.
ءساۋىر ايىندا فەستيۆالدە الەمگە ايگىلى عىلىم جۇلدىزدارى ونەر كورسەتىپ, بىلىمدەرىمەن بولىسەدى:
دجوردج چەرچ ء– بىزدىڭ زامانىمىزدىڭ ەڭ ىقپالدى گەنەتيگى, گارۆارد مەديتسينالىق مەكتەبىنىڭ گەنەتيكا پروفەسسورى
ولارمەن بىرگە فەستيۆالگە الەمنىڭ ەڭ بەدەلدى ۋنيۆەرسيتەتتەرىنىڭ نوۆاتورلارى مەن پروفەسسورلارى: لوندون ەكونوميكا مەكتەبى, MIT, كاليفورنيا ۋنيۆەرسيتەتى, لوندون يمپەراتورلىق كوللەدجى, ۆاشينگتون ۋنيۆەرسيتەتى, سونداي-اق Microsoft, Google, SAP, Chevron, Coca-Cola جانە باسقا ءىرى حالىقارالىق كورپوراتسيالاردىڭ باسشىلارى مەن جەتەكشى ساراپشىلارى قاتىسادى.
نوبەل فەستيۆالى - بۇل كوممەرتسيالىق ەمەس جوبا, ال ونىڭ باستى ۇيىمداستىرۋشىسى - ينكليۋزيۆتى دامۋ قورى.
فەستيۆالدىڭ نەگىزگى سەرىكتەستەرى - قازاقستان, وزبەكستان, ءازىربايجان ءبىلىم مينيسترلىكتەرى, نۇر-سۇلتان قالاسىنىڭ اكىمدىگى (باس كورپوراتيۆتىك سەرىكتەس), Coca-Cola كومپانياسى (باس كورپوراتيۆتىك سەرىكتەس), Chevron كورپوراتسياسى (رەسمي كورپوراتيۆتىك سەرىكتەس).
تاكااكي كادزيتا - فيزيكا بويىنشا 2015 جىلعى نوبەل سىيلىعىنىڭ لاۋرەاتى
نوبەل فەستيۆالىن ەلىمىزدىڭ وتاندىق جوعارى وقۋ ورىندارى دا قولدادى, ولاردىڭ ىشىندە: ەلىمىزدىڭ جەتەكشى اگرارلىق ۋنيۆەرسيتەتى - س.سەيفۋللين اتىنداعى قازاق اگروتەحنيكالىق ۋنيۆەرسيتەتى (باس ءبىلىم بەرۋ سەرىكتەسى), كوپ سالالى ءىرى جوو - م.اۋەزوۆ اتىنداعى وڭتۇستىك قازاقستان ۋنيۆەرسيتەتى (باس ءبىلىم بەرۋ سەرىكتەسى), قازاقستاننىڭ جەتەكشى جوعارى وقۋ ورىندارىنىڭ ءبىرى - ە.بوكەتوۆ اتىنداعى قاراعاندى ۋنيۆەرسيتەتى (ستراتەگيالىق ءبىلىم بەرۋ سەرىكتەسى). سەرىكتەس), ءىرى مەديتسينالىق جوو - س.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتى (رەسمي ءبىلىم بەرۋ سەرىكتەسى).
