كونستيتۋتسياعا قانداي وزگەرىستەر ەنگىزىلەتىنى ايتىلدى

مينيستر جالپىۇلتتىق جوسپار بويىنشا كونستيتۋتسياعا مىناداي وزگەرىستەر ەنگىزىلەتىنىن ايتتى:

پرەزيدەنت وكىلەتتىگىن, ونىڭ قىزمەتتە بولۋىنا بايلانىستى شەكتەۋلەردى بەلگىلەۋ تۋرالى;

ورتالىق سايلاۋ كوميسسياسىنىڭ توراعالارى مەن مۇشەلەرىنىڭ ساياسي پارتيالاردان شىعۋى,

ەسەپ كوميتەتىنىڭ, كونستيتۋتسيالىق كەڭەستىڭ, پارلامەنت سەناتى مەن ءماجىلىسىن قالىپتاستىرۋ جانە ونىڭ فۋنكتسيالارى, رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىن جوعارى اۋديتورلىق پالاتاعا اينالدىرۋ ءتارتىبى,ء ماسليحاتتاردى قالىپتاستىرۋ ءتارتىبى,

كونستيتۋتسيالىق سوت قۇرىپ, وعان ازاماتتاردىڭ دا ءوتىنىش ءبىلدىرۋ مۇمكىندىگىن,

باس پروكۋرور مەن ادام قۇقىقتارى جونىندەگى ۋاكىل,

كونستيتۋتسيادا ءولىم جازاسىن جويۋ تۋرالى شەشىمدى بەكىتۋ.

مۋسين بۇل بلوك بويىنشا زاڭ جوباسىن ازىرلەۋ 2022 جىلعى ساۋىردە جوسپارلانىپ وتىرعانىن ايتتى.

سونداي-اق كونستيتۋتسيالىق زاڭدار بويىنشا وزگەرىستەر ەنگىزۋ جوسپارلانىپ وتىر:

اكىمدەر مەن ولاردىڭ ورىنباسارلارىنا پارتيا فيليالدارىندا قىزمەت اتقارۋعا تىيىم سالۋ,

پارلامەنت سەناتى مەن ءماجىلىسىن قالىپتاستىرۋ ءتارتىبى جانە ونىڭ فۋنكتسيالارى,

كونستيتۋتسيالىق كەڭەستىڭ جانە جوعارى سوت كەڭەسىنىڭ توراعالارى قىزمەتىنە كانديداتۋرالاردى كەلىسۋ,
جوعارى اۋديتورلىق پالاتانىڭ قۇرىلۋى,ء ماسليحاتتاردى قالىپتاستىرۋ ءتارتىبى مەن ولاردىڭ فۋنكتسيالارى, ساياسي پارتيالاردى تىركەۋ ءراسىمىن وڭايلاتۋ,

پروكۋراتۋرا مەن ادام قۇقىقتارى جونىندەگى ۋاكىل قىزمەتىنىڭ ماسەلەلەرى بويىنشا,

سايلاۋ پروتسەسىن جەتىلدىرۋ,

القابيلەر سوتىنىڭ قاتىسۋىمەن ىستەر ساناتتارىن كەڭەيتۋ,

بۇقارالىق اقپارات قۇرالدارى تۋرالى زاڭدى قايتا قاراۋ,

جەرگىلىكتى ءوزىن-ءوزى باسقارۋ.

كونستيتۋتسيالىق زاڭنىڭ جانە وسى بلوك بويىنشا زاڭ جوبالارىن ازىرلەۋ 2022 جىلعى تامىزدا جوسپارلانىپ وتىرعانى حابارلاندى.

اباي, ۇلىتاۋ وبلىستارىن قۇرۋ جونىندەگى پرەزيدەنت جارلىقتارى مەن ۇكىمەت قاۋلىلارىنىڭ جوبالارىن ازىرلەۋ, الماتى وبلىسىن جەتىسۋ جانە الماتى وبلىستارىنا ءبولۋ, وبلىستار مەن رەسپۋبليكالىق ماڭىزى بار قالالار اكىمدەرى ورىنباسارلارىنىڭ سانى بويىنشا شەكتەۋ 2022 جىلعى ماۋسىمدا كوزدەلەدى.