نەگىزى بۇل جارىستىڭ جولداماسىنا ءتورت سپورتشىمىز يەلىك ەتكەن ەدى. ولار – ولگا سافرونوۆا (60 مەترگە جۇگىرۋ), داۆيد ەفرەموۆ (60 مەترگە كەدەرگىلەر ارقىلى جۇگىرۋ), ميحايل ليتۆين (400 مەترگە جۇگىرۋ) جانە نادەجدا دۋبوۆيتسكايا (بيىكتىككە سەكىرۋ). الايدا بەلگرادتا تەك ءۇش جەرلەسىمىز عانا باق سىنايدى. ۇلتتىق كوماندامىزدىڭ باس باپكەرى دميتري كارپوۆتىڭ ايتۋىنشا, سافرونوۆا بيىل اقش-تىڭ ورەگون قالاسىندا جالاۋى جەلبىرەيتىن الەم چەمپيوناتى مەن قىتايدىڭ حانچجوۋ قالاسىندا الاۋى تۇتاناتىن جازعى ازيا ويىندارىنا تىڭعىلىقتى دايارلانۋدى ءجون كورگەن ەكەن.
ەستەرىڭىزگە سالا كەتەيىك, جابىق عيماراتتاعى الەم چەمپيوناتى 1985 جىلدان بەرى ۇيىمداستىرىلىپ كەلەدى. قازاقستاندىق جەڭىل اتلەتتەر اراسىندا كەزىندە يگور پوتاپوۆيچ, ولگا شيشيگينا, گريگوري ەگوروۆ, دميتري كارپوۆ جانە ولگا رىپاكوۆا جەڭىس تۇعىرىنا كوتەرىلگەن.
