جولداۋدا ساياسي رەفورمالار باعدارلاماسى جاريالانىپ, بۇل جاڭا قازاقستاننىڭ مەملەكەتتىك قۇرىلىسىنىڭ جاڭا كەزەڭىنىڭ باستالۋىن بەلگىلەدى.
اتالعان رەفورمالار ق.توقاەۆتىڭ پرەزيدەنتتىگىنىڭ العاشقى كۇندەرىنەن باستاپ قولعا العان تۇبەگەيلى وزگەرىستەردىڭ قيسىندى ءارى اۋقىمدى جالعاسى بولدى. قازاقستاندىق كوشباسشىنىڭ باستامالارى مەملەكەتتى دەموكراتيالاندىرۋ جانە بيلىكتىڭ قاينار كوزى قازاقستان حالقى بولىپ تابىلاتىنى تۋرالى نەگىزگى كونستيتۋتسيالىق پوستۋلاتتى نىعايتۋ ءۇشىن بازا بولاتىنى ءسوزسىز.
مەملەكەت باسشىسى نەگىزگى ساياسي قايتا قۇرۋلاردان باسقا گەوساياسات پەن گەوەكونوميكاداعى تۋربۋلەنتتىك جاعدايىنداعى داعدارىسقا قارسى شارالارعا نازار اۋداردى. ەل پرەزيدەنتى قازاقستاننىڭ اۋقىمدى داعدارىستى ەڭسەرۋ ءۇشىن قاجەتتى قاۋىپسىزدىك قورى بار ەكەنىنە سەندىردى. سونىمەن بىرگە, پرەزيدەنت ەڭ وزەكتى سۇراقتارعا جاۋاپ بەردى. قاسىم-جومارت كەمەل ۇلى حالىقتىڭ ۇنىنە قۇلاق اساتىنىن كورسەتتى, ويتكەنى ونىڭ باستاماسىمەن قولعا الىنعان بارلىق رەفورمالار ەلدىڭ كوپتەن كۇتكەن رەفورمالارى بولىپ تابىلادى.
مەملەكەت باسشىسى ءبىزدىڭ باستى رەسۋرسىمىز – حالىق بىرلىگى ەكەنىن تاعى دا اتاپ ءوتتى. حالىقتىڭ بىرلىگى قاڭتارداعى وقيعالار كەزىندەگى ەڭ قايعىلى ستسەناريلەردى جۇزەگە اسىرۋعا مۇمكىندىك بەرمەدى. ۇلت بىرلىگى – اۋقىمدى وزگەرىستەردى جۇزەگە اسىرۋدىڭ باستى شارتى. ء«بىز كەز كەلگەن سىن-قاتەردى بىرلەسە ەڭسەرىپ, قازاقستاندى ودان دا جاقسىراق ەتە تۇسەمىز», دەپ اتاپ ءوتتى مەملەكەت باسشىسى.
ءبىزدىڭ پرەزيدەنتىمىز ءاربىر ازاماتتى جاڭا قازاقستاننىڭ قۇرىلىسشىسى بولۋعا شاقىردى. ءبىز ءبارىمىز جاقسى جاققا قاراي اۋقىمدى وزگەرىستەردىڭ الدىندا تۇرمىز. قازىر بارشاعا تۇسىنىكتى ءارى ورتاق وسى ماقساتقا جەتىپ, وسى جولدى بىرگە ەڭسەرۋ ءۇشىن حالىقتىڭ بىرلىگى بۇرىنعىدان دا اسا قاجەت.
قازاقستان حالقى اسسامبلەياسى جاڭا جولداۋدىڭ مىندەتتەرىن تولىق قولدايدى جانە ولاردى ىسكە اسىرۋعا بەلسەندى قاتىسادى.
مارات ءازىلحانوۆ,
قازاقستان حالقى اسسامبلەياسى
توراعاسىنىڭ ورىنباسارى –
حاتشىلىق مەڭگەرۋشىسى
