ۇلتتىق قوعامدىق سەنىم كەڭەسى اياسىندا وسى ۇسىنىستاردىڭ كوبىسى ۇسىنىلعان, پىسىقتالعان. كوپتەگەن مەملەكەتتىك اپپارات تۇرعىسىنان سۇراقتار قويىلىپ, قارسى پىكىرلەر ايتىلعان. سونىڭ ىرىكتەلگەن, تۇجىرىمدالعان, پىسىقتالعان ءتۇيىنى ساياسي قۇجات رەتىندە جاريالاندى.
وسى ورايدا ءۇش ماسەلەنى ايتقىم كەلەدى. ءبىرىنشى, 1205 جىلى ياسسى, شىڭعىس حان قۇجاتى ومىرگە كەلدى. 1215 جىلى ۇلىبريتانيانىڭ « ۇلى ەركىندىك حارتياسى» قابىلداندى. ءبىر قىزىعى ەكى قۇجات تا ءبىر مەزگىلدە قابىلداندى. ۇلىبريتانيا قۇجاتىندا كورولدى شەكتەۋ ماسەلەسى قويىلعان. ال پرەزيدەنت جولداۋىندا ءوز وكىلەتتىگىن جەتى باعىت بويىنشا قىسقارتىپ, پارلامەنتكە نەمەسە ماسليحاتتارعا بەرۋ جوعارىدا ايتىپ وتكەن ەكى الەمدىك قۇقىقتىق قۇجاتتىڭ جاقسى ۇيلەسىپ, قازاقستان قوعامىنا ەنگىزۋ دەپ تۇسىنەمىز.
ەكىنشى ماسەلە, جاقىندا اقش كونگرەسى رەسەيدەن مۇناي ساتىپ الۋعا ەمبارگو جاريالادى. سوندا كونگرەستەگى تالقىلاۋ كەزىندە ەكى سەناتوردىڭ پىكىرى ۇنادى. ولار رەسەيگە قارسى شەكتەۋ سالعاندا قازاقستان زارداپ شەكپەي مە دەپ الاڭدادى. دەمەك اقش كونگرەستەرى ءبىزدىڭ مۇددەمىزدى قورعاپ, جاندارى اشىپ وتىر. وسى ورايدا, پارلامەنتتىك تەرگەۋ فۋنكتسياسىن بولاشاقتا پىسىقتاپ, ەنگىزۋ كەرەك.
ءۇشىنشى ۇسىنىس, ءبىزدىڭ بيۋدجەت كودەكسىندە كەڭەيتىلگەن ۇكىمەتتىڭ شىعىستارى دەگەن تەرمين جوق. بۇل كۇن تارتىبىنە قويىلماعان, ۇكىمەت مۇلدەم ايتپايدى. ەكونوميكا مينيسترلىگى مۇلدەم ءسوز قوزعاعان ەمەس. الەمدە مىنانداي زاڭدىلىق بار. ۇكىمەتتىڭ كەڭەيتىلگەن شىعىستارى 50 پايىزدان اسىپ كەتسە, سول مەملەكەتتە ەكونوميكالىق ءوسىم قارقىنى 5 پايىزعا جەتپەيدى ەكەن. ءبىزدىڭ ەسەپتەۋىمىز بويىنشا 2020 جىلدىڭ قورىتىندىسىندا مۇنداي شىعىندار ىشكى جالپى ءونىمنىڭ 62 پايىزىنان اسىپ ءتۇستى. ال پرەزيدەنتتىڭ باستى پاراديگماسى – كەدەيلىكپەن كۇرەسۋ. ەكونوميكالىق ءوسىم – كەدەيلىكپەن كۇرەسۋدىڭ ەڭ ۇزدىك جولى. بيۋدجەتتەن اقشا تاراتىپ بەرۋ ارقىلى ۋشىعىپ تۇرعان ماسەلەنى شەشۋگە بولادى. بىراق ۇزاق مەرزىمدە تۇراقتىلىقتى ساقتاۋ ءۇشىن جوعارعى قارقىندى ەكونوميكالىق ءوسىم كەرەك.
قايىربەك ارىستانبەكوۆ,
ەكونوميكالىق ساياسات ينستيتۋتىنىڭ پرەزيدەنتى
