«سەناتتىڭ ءماجىلىس قابىلداعان زاڭداردى تەك ماقۇلداۋ نەمەسە ماقۇلداماۋ قۇقىعىن كوزدەيتىن نورما ەنگىزگەن دۇرىس دەپ سانايمىن. بۇل ماجىلىسكە زاڭدار قابىلداۋ قۇقىعى بەرىلەتىنىن بىلدىرەدى. سونداي-اق, پارلامەنت رەسپۋبليكالىق بيۋدجەتتىڭ ساپالى ورىندالۋىنا باقىلاۋدى كۇشەيتۋى قاجەت. وسى ورايدا, ەسەپ كوميتەتىنىڭ ورنىنا جوعارى اۋديتورلىق پالاتا قۇرۋدى ۇسىنامىن. ازاماتتاردىڭ وكىلدى بيلىككە دەگەن سەنىمىن نىعايتۋ ءۇشىن ماسليحاتتارعا باسا ءمان بەرگەن ءجون. ولاردىڭ ءرولىن ارتتىرىپ, دەربەستىگىن قامتاماسىز ەتۋ ءۇشىن ءماسليحات توراعاسى لاۋازىمىن ەنگىزگەن ءجون. سونداي-اق, ءماسليحاتتاردىڭ ىقپالىن بارىنشا كۇشەيتۋ ءۇشىن وبلىس اكىمدەرىن تاعايىنداۋ ءتارتىبىن وزگەرتۋ قاجەت دەپ سانايمىن», دەدى پرەزيدەنت قازاقستان حالقىنا ارناعان جولداۋىندا.
