بۇعان دەيىن ءبىز بۋبليكتىڭ ۇلىبريتانيانىڭ ايگىلى ويىنشىسى, وليمپيا ويىندارىنىڭ جەڭىمپازى ەندي ماررەيدى جەڭگەنى جايىندا جازعانبىز. كەشە رىباكينا دا ءوز جانكۇيەرلەرىن قۋانتتى. ءۇشىنشى كەزەڭدە ول الەمنىڭ ەكس-ءبىرىنشى راكەتكاسى ۆيكتوريا ازارەنكومەن كەزدەستى. 32 جاستاعى بەلارۋس ەلىنىڭ وكىلى كەزىندە اۋستراليانىڭ اشىق بىرىنشىلىگىن ۇتىپ, US open دوداسىنىڭ فينالىندا ويناعان. رولان گارروس پەن ۋيمبلدوندا جارتىلاي فينالعا دەيىن جەتىپ, WTA تۋرنيرلەرىندە 21 رەت جەڭىمپاز اتاندى. 2012 جىلى لوندون وليمپياداسىنىڭ جەكەلەگەن سىنىندا ازارەنكو قولا السا, جۇپتىق سايىستا التىننان القا تاقتى. بىراق بۇل كۇنى وتە تاماشا ونەر كورسەتكەن ەلەنا ءبىر جارىم ساعاتتان اسا ۋاقىتقا سوزىلعان باسەكەنى 6:3, 6:4 ەسەبىمەن ءوز پايداسىنا شەشتى. ەندى وتانداسىمىز شۆەيتساريالىق ۆيكتوريا گولۋبيچپەن شەبەرلىك بايقاسادى.
اتالعان جارىستىڭ باستى فاۆوريتتەرىنىڭ ءبىرى سانالعان الەمنىڭ ءبىرىنشى راكەتكاسى, رەسەيلىك دانيل مەدۆەدەۆ كەشە فرانتسيالىق گاەل مونفيسكە 6:4, 3:6, 1:6 ەسەبىمەن ەسە جىبەرىپ, كورەرمەندەر قاتارىنا قوسىلدى.
