ونىڭ ايتۋىنشا, 2017 جىلدان 2021 جىلعا دەيىن مال ۇرلىعى وقيعالارى 35%-عا (6,3 مىڭنان 2,2 مىڭعا دەيىن) ازايدى, ونىڭ ىشىندە ۇرلانعان مال سانى ەكى ەسەگە – 20 مىڭنان 9 مىڭعا دەيىن ازايعان.
«بيىل دا مال ۇرلىعىنىڭ تومەندەۋىنىڭ وڭ ءۇردىسى ساقتالىپ وتىر, مال ۇرلىعى 32,7%-عا تومەندەدى, بۇل رەتتە ۇرلانعان مالدىڭ 44,1%-ى قايتارىلدى (1300 مالدىڭ 573-ءى تابىلدى)», دەدى س. شالقاروۆ قر ءىىم ۇيىمداستىرعان ونلاين-بريفينگتە.
سونىمەن بىرگە مينيسترلىك وكىلى مالدى قورعاۋ ءۇشىن نە ىستەۋ كەرەكتىگى تۋرالى كەڭەسىن دە ايتتى.
«مالدى قاراۋسىز قالدىرماۋ كەرەك جانە مال يەسى – اكىمدىك – مالشى اراسىندا ۇشجاقتى شارت جاساپ, GPS-ترەكەرلەردى قولدانىپ, مال باسىن مىندەتتى تۇردە تاڭبالاۋ قاجەت جانە ساقتاندىرۋ قۇرالدارىن پايدالانعان ءجون. قازىر مال باسىن ساقتاندىرۋ قولجەتىمدى, ول مالدىڭ اۋرۋدان, ورتتەن, جازاتايىم وقيعالاردان, تابيعي اپاتتاردان جانە جوعالۋىنان ساقتاندىرۋدى قاراستىرادى», دەپ ءتۇسىندىردى سپيكەر.
