كوروناۆيرۋس • 15 ناۋرىز، 2022

قازاقستاننىڭ باس سانيتارلىق دارىگەرى جاڭا قاۋلىعا قول قويدى

416 رەت كورسەتىلدى

قازاقستاننىڭ باس سانيتارلىق دارىگەرى ايجان ەسماعامبەتوۆا «قر حالقى اراسىندا كوروناۆيرۋستىق ينفەكتسيا اۋرۋلارىنىڭ الدىن الۋ بويىنشا شارالاردى ودان ءارى كۇشەيتۋ تۋرالى» جاڭا قاۋلىعا قول قويدى، دەپ حابارلايدى Egemen.kz.

قۇجاتتا مەملەكەتتىك ورگاندارعا، ۇلتتىق ناۋقاندارعا، بيزنەس-ورتالىقتارعا جانە باسقا دا كەڭسەلەرگە قويىلاتىن تالاپتار بەلگىلەنگەن.

قاۋلىعا سايكەس:

  • كەلۋشىلەر ءۇشىن جۇمىس ورىندارى مەن ءۇي-جايلاردى تۇراقتى جەلدەتۋدى جۇزەگە اسىرۋ قاجەت;
  • وبەكتىنىڭ ءۇي-جايلارىنا ماسكاسىز كىرۋگە جول بەرىلمەيدى. 5 جاسقا دەيىنگى بالالاردى قوسپاعاندا، كەلۋشىلەردىڭ عيماراتتا مىندەتتى تۇردە بەتپەردە كيىپ ءجۇرۋى قامتاماسىز ەتىلەدى;
  • كىرەبەرىستە، حوللداردا، سانيتاريالىق توراپتاردا تەرى انتيسەپتيگى بار سانيتايزەرلەر ورناتىلادى.

سونداي-اق، شەكتەۋ شارالارىن قاتاڭداتۋ ەپيدەميولوگيالىق جاعداي 5 كۇن ىشىندە اسقىنعان جاعدايدا («جاسىل» ايماقتان «سارىعا» نەمەسە «سارى» ايماقتان «قىزىلعا» كوشۋ) جۇرگىزىلەتىنى اتاپ ءوتىلدى.

بۇدان باسقا، كارانتيندىك شارالاردى جەڭىلدەتۋ «قىزىل» ايماقتان «سارى» ايماققا نەمەسە «سارى» ايماقتان «جاسىل» ايماققا كوشكەننەن كەيىن 5 كۇننەن ەرتە جۇرگىزىلمەيدى.

قاۋلىنىڭ تولىق ماتىنىمەن مىنا سىلتەمە ارقىلى تانىسۋعا بولادى.

سوڭعى جاڭالىقتار

ۇقساس جاڭالىقتار